Written by
Vidpuia Hrahsel
ZONUN ZEMAWI THUAWIHNA
Mizote Kût ropui ber Chap Chàr Kût, kan hmang zo leh ta der mai. Kum 2021 ah hian hri leng avangin a huhova Sipai Lammual-a hman a ni lova, sawrkar buatsaihin Vanapa Hall-ah Chap Chàr Kût lawmna hi neih a ni. Kumin Kût thupui atan - 'Zonun Zemawi Thuawihna' hman a ni.
Hnam dang laka kan danglam em emna chu kan hnam hian pi pute aṭanga kan rochun Zonun zemawi tak tlawmngaihna te, aia upa zahna te, rinawmna te, huaisenna te, thuawihna te leh a dang dang chhawm nun zel tlak kan nei hi a ni.
Mizo hnam hi kan pi leh pute aṭangin punkhawm nuam ti kan ni a, khawvel ṭhang zelah vantlang mipui tel theihna leh kan zavai len na Tlawmngai pawl hrang hrangah kan inhmang ṭhin a, kan nunah puitlinna kawngah te min kaihruai reng a ni.
Khawtlang leh Kohhran inrelbawlna apiangah emaw puipunna nikhuaah reng reng Zonun Zemawi kan lan chhuahtir ṭhin a, pi pute aṭanga kan rochun zemawi tak hi bansan mai lova kan uar thar deuh deuh a ngai hle a ni.
Kan chhehvel a kan chen ho na ti nuamtu, hruaitute emaw aia upa te thu kan awih hian kan khawsak hona ah rah ṭha a chhuah a, hnam dangte laka kan danglamna ti chiangtu a ni.
Zonun Zemawi Thuawihna vawng nung a, a taka lan chhuah tir tu chuan a hnam a chawi sang a,a nun a hmuingil ngei bawk ang.
Mizo rohlu kan nunze mawi tak hi ṭhangthar lo awm leh zel tur te tana chhawm nun zel tlak a ni si a. Zonun Zemawi a par vul zel theih nan nang leh kei hi kan pawimawh hle a, thuawihna tello chuan hringnun hi a nih tur angin a ni thei lo. Mizote hi thuawih tak hnam, val u te, aia u te, nu leh pate thuawih tura chhungkua aṭanga inzirtir hnam kan ni a. Kristian kan nih hma hauh pawhin nunze mawi tak hi kan lo chhawm nung reng tawh a ni.
Mei mit lovin tun thlengin Zonun Zemawi tlawmngaihna te, thuawihna te hi tun thlenga kan chhawm nun zel chuan kan thlah kal zel tur te tan hian Mizo hnam nih a nuam zel dawn a ni. Thuawihna tel lo nun chu a dûl a, khuahkhirhna tello nun chuan awmzia a nei lova, chhuan tlak leh chhawm nun tlak a nei lo.
Hnam dangte laka kan in unauna, kan in duhsakna, aia upa zahna te, thuawih hnam kan nih zel theih nan i ṭangrual zel ang u.
Vidpuia Hrahsel
Hnam dang laka kan danglam em emna chu kan hnam hian pi pute aṭanga kan rochun Zonun zemawi tak tlawmngaihna te, aia upa zahna te, rinawmna te, huaisenna te, thuawihna te leh a dang dang chhawm nun zel tlak kan nei hi a ni.
Mizo hnam hi kan pi leh pute aṭangin punkhawm nuam ti kan ni a, khawvel ṭhang zelah vantlang mipui tel theihna leh kan zavai len na Tlawmngai pawl hrang hrangah kan inhmang ṭhin a, kan nunah puitlinna kawngah te min kaihruai reng a ni.
Khawtlang leh Kohhran inrelbawlna apiangah emaw puipunna nikhuaah reng reng Zonun Zemawi kan lan chhuahtir ṭhin a, pi pute aṭanga kan rochun zemawi tak hi bansan mai lova kan uar thar deuh deuh a ngai hle a ni.
Kan chhehvel a kan chen ho na ti nuamtu, hruaitute emaw aia upa te thu kan awih hian kan khawsak hona ah rah ṭha a chhuah a, hnam dangte laka kan danglamna ti chiangtu a ni.
Zonun Zemawi Thuawihna vawng nung a, a taka lan chhuah tir tu chuan a hnam a chawi sang a,a nun a hmuingil ngei bawk ang.
Mizo rohlu kan nunze mawi tak hi ṭhangthar lo awm leh zel tur te tana chhawm nun zel tlak a ni si a. Zonun Zemawi a par vul zel theih nan nang leh kei hi kan pawimawh hle a, thuawihna tello chuan hringnun hi a nih tur angin a ni thei lo. Mizote hi thuawih tak hnam, val u te, aia u te, nu leh pate thuawih tura chhungkua aṭanga inzirtir hnam kan ni a. Kristian kan nih hma hauh pawhin nunze mawi tak hi kan lo chhawm nung reng tawh a ni.
Mei mit lovin tun thlengin Zonun Zemawi tlawmngaihna te, thuawihna te hi tun thlenga kan chhawm nun zel chuan kan thlah kal zel tur te tan hian Mizo hnam nih a nuam zel dawn a ni. Thuawihna tel lo nun chu a dûl a, khuahkhirhna tello nun chuan awmzia a nei lova, chhuan tlak leh chhawm nun tlak a nei lo.
Hnam dangte laka kan in unauna, kan in duhsakna, aia upa zahna te, thuawih hnam kan nih zel theih nan i ṭangrual zel ang u.
Vidpuia Hrahsel