Written by
Lalthlamuana
Rangvamual Min tehkhin maw?
Kan Zoram hruaitu leh kan Pa bera kan en tur chuan Serchhip bial mipuite chu Pu Vanlalzawma kan thlan tlin loh chuan "Rangvamual pawh in an nuih ang che u," ti lam hawi zawngin a sawi a, a video pawh ka en ve thlapa ka lung a awi lo khawp mai.
Rangvamual hi zu leh ruihhlo hmun a ni tih chu Serchhip aṭang pawh hian kan lo hre phak ve em em a, Aizawl ṭhalaite zu in tura an kal khawmna ber a nih te pawh kan lo hria a, Serchhip bial hi chutiang nena tehkhin tur khawpa min hmu tu Chief Minister kan lo nei reng mai hi a hrehawm ka tiin a pawi ka tiin a chang chuan a thinrim thlak tel bawk a ni.
Kan khúa leh a chhehvel hi Mizorama changkang ber leh fel ber ber awm khawm na kan ni lo tih chu thil chiang tak a ni a, he khúa hi khaw dang nena kan tehkhin dâwn a nih pawhin Rangvamual ni lo hi chu thlan chhuah kan phu ve a ni.
Kan ramah hian hmun hniam deuh bîk leh enkawl zui ngai bîk an awm a nih chuan Rangvamual hi a nih ka ring a, anni hi misual awm khawmna chu ni lo mahse zu tamna a nih vangin enkawl an mamawh a, an dinhmun aṭanga chhuan chhuah ui an mamawh a ni. Serchhip hi chutiang nen chuan kan inang lova, Pu Zawma hi a tling lo a nih pawhin mi nuih sawh tur khúa kan nih bîk na tur hi ka hre lo a ni.
Engpawhnise kan ram hruaitute hi tun hma aṭang tawhin an ṭawng fimkhur lo ka ti ṭhin a, Vai ram leh Sap ram angah chuan vawi khat ṭawng sual hi an tlak phah vang vang ṭhin a, kan ramah hian kan ṭawng fuh loh hi a tam ta mah mah a ni.
Serchhip hi Rangvamual ni lo khaw dang nen min sawi zawm zawk se ka ti pawh a ni lova, a Rangvamual tán pawha lawmna ni lo Serchhip tán phei chuan thinrimna tur hi chuan tumah rawn campaign tawh lo se tih mai hi ka sawi duh chu a ni.
Lalthlamuana
Rangvamual hi zu leh ruihhlo hmun a ni tih chu Serchhip aṭang pawh hian kan lo hre phak ve em em a, Aizawl ṭhalaite zu in tura an kal khawmna ber a nih te pawh kan lo hria a, Serchhip bial hi chutiang nena tehkhin tur khawpa min hmu tu Chief Minister kan lo nei reng mai hi a hrehawm ka tiin a pawi ka tiin a chang chuan a thinrim thlak tel bawk a ni.
Kan khúa leh a chhehvel hi Mizorama changkang ber leh fel ber ber awm khawm na kan ni lo tih chu thil chiang tak a ni a, he khúa hi khaw dang nena kan tehkhin dâwn a nih pawhin Rangvamual ni lo hi chu thlan chhuah kan phu ve a ni.
Kan ramah hian hmun hniam deuh bîk leh enkawl zui ngai bîk an awm a nih chuan Rangvamual hi a nih ka ring a, anni hi misual awm khawmna chu ni lo mahse zu tamna a nih vangin enkawl an mamawh a, an dinhmun aṭanga chhuan chhuah ui an mamawh a ni. Serchhip hi chutiang nen chuan kan inang lova, Pu Zawma hi a tling lo a nih pawhin mi nuih sawh tur khúa kan nih bîk na tur hi ka hre lo a ni.
Engpawhnise kan ram hruaitute hi tun hma aṭang tawhin an ṭawng fimkhur lo ka ti ṭhin a, Vai ram leh Sap ram angah chuan vawi khat ṭawng sual hi an tlak phah vang vang ṭhin a, kan ramah hian kan ṭawng fuh loh hi a tam ta mah mah a ni.
Serchhip hi Rangvamual ni lo khaw dang nen min sawi zawm zawk se ka ti pawh a ni lova, a Rangvamual tán pawha lawmna ni lo Serchhip tán phei chuan thinrimna tur hi chuan tumah rawn campaign tawh lo se tih mai hi ka sawi duh chu a ni.
Lalthlamuana