Iptepui banna leh mau chi supply
Hman deuhvah khan Pu VL Liana Hmar thu ziak, "Iptepui banna leh mau chi supply" tih kha kan chhiar tawh a, khata a thu ziak kha kan ram hian a ngaihtuah nawn atan ka rawn thlual nawn leh duh a, hei hi MNF sorkar demna ngawr ngar lam ni bik lovin Congress hun lai pawha an lo kal pui tawh ṭhin, "Contract hmutu tur hre saa tender chhuah," an tih te nen hian thil thuhmun vek a ni.
"Mizorama hna inchuh nasat ber pahnih hi thlang dawn ila police constable hna leh sorkar sikul zirtirtu hna hi a nih hmel a, MNF sorkar tirha zirtirtu an lak dawna "Iptepui banna" tih khan ka chaw ei a la titui lova, chumi hnuah Dr Barathi pawlte ngei maiin kan ramah mau chi kui ṭiahna lo nei sa ang thlpa mau chi an supply leh dan hi sawi zui lova liam mai mai chu a ni lovang, heng thilte hi kan sawi kan sawi hian Mizoram hmalam hun zel atan thil ṭha kan ti a ni," tih kha a rawn ziak a, chuvangin Mizoram tana thil ṭha tih chhunzawm zel a ṭha a ni.
Zirtirtu lakah khan kan ruling MLA te khan, "Kan Iptepui Banna," tiin duhsak turin an han ziak lang kuau mai lkha a ni a, kha kha kan ram ṭhanmawh bawk chu a ni. Mau chi supply hun a rawn in her chhuak a, a chhang tu awm chhun chu Growmore Biotech Ltd. Tamil Nadu a ni a, an director chu Dr N Barathi a ni a, anni hian mau chi supply na tur an chhan fel meuh hi chuan Growmore Biotech Ltd. hian Mizoramah mau/rua tihchanna hmun (second hardening nursery) an nei tih an sawi leh daih tawh a, Mizoram sorkar ah mau chi supply daw lo ta se Mizoramah an rawn in bun kher lo mai thei a, Pu Ruata Sailo thil vei, "A hmu tu tur hre saa tender chhuah," kha rilruah a lo lang nghal zawk a ni.
Thu ziaktu zawhna zawh, 'Mizoram sorkar sum tam tak senna tur mau chi supply tu tur hi hre sa vekin Mizoramah an rawn chho tihna em ni? midang pawhin an chhan ve loh mau chi supply theitu an lo nih bik tihte hi ṭhangtharin an la zawt nawn dawn a ni' a tih tak mai hian ṭhalaite rilru a hruai dawn a ni.
Tute emaw tan chauha thawh theih hna, tute emaw tan chauha chhan theih tender chhuah, tute emaw kawk bik tura duan hna sem ang chu hi 'Iptepui Banna Theology' aṭanga chhuak a ni a, Iptepui Banna atana an hman ve loh zawng hi chuan inthlanah kan vote ve tawh lo a nih pawhin an vui thei bik lovang.
Lalremruata (Aruata)