CARDLESS ATM - YONO CASH

19th March, 2019

March 15, 2019 (Friday) khan India rama a hmasa ber ni turin SBI chuan Card tel lova ATM aṭanga pawisa lakchhuah theihna banking service thar ‘YONO CASH’ an hawng. ATM card hmanga inbumna tam tak leh harsatna awm thei laka invenna mai bakah, India ram chhunga ATM hrang hrang platform khata thlun khawmna Digital Universe a ni.

YONO tih hi ‘You Only Need One’ tihna a ni. Application platform pawimawh tak Digital financial services hrang hrang hmun khata tih vek theihna tura State Bank of India (SBI) siam a ni a, 24th, November 2017 (Friday) khan Arun Jaitley, Finance Minister chuan a tlangzarh.

Card tel lova pawisa lak theihna ATM te hi YONO Cash Point tih a ni. India ram chhunga SBI ATMs 16,500 lai YONO Cash hmang thei tura upgrade a ni. YONO Cash hi sbiyono website www.sbiyono.sbi emaw, SBI YONO Mobile Apps aṭanga neih theih a ni. Play store aṭang pawhin awlsam taka install theih a ni.

A tihdan tlangpui:

1. YONO app emaw, website aṭangin YONO Cash-ah lut rawh.

2. Net banking ID leh password hmangin Loggin rawh

3. YONO Cash-ah click rawh

4. Requesh YONO Cash-ah click rawh

5. Wihdraw duh zat type rawh. (max. limit 10000)

6. YONO Cash pin (numeric 6 digit) type rawh

7. Bank account nena i registered mobile no-ah SMS-in YONO Cash transaction no a rawn thleng ang.

YONO Cash pin leh Transaction No hmang hian 30 minute chhungin YONO Cash point hnai berah pawisa lakchhuah tur. ATM Booth-ah khan YONO CASH button kha hmet la, YONO Cash pin leh transaction no type lut rawh. Pawisa lak tur zat set sa a nih avangin nghak tawp la, pawisa a rawn chhuak ang.

YONO Cash pin leh transaction no te hi OTP ang a ni a, 30 mins chhunga i tih loh emaw, i lak chhuah dawn apiangin a thar i neih leh a ngai. Vawi khatah Rs 10000 thleng a lak theih a, ni khatah vawi hnih a lak theih. Withdraw zawh apiangin register mobile-ah SMS a rawn thleng ang.

YONO cash hmanga hmun danga awm pawisa kan thawn duh pawhin Yono cash pin leh reference no kan thawn ang a. Awlsam takin YONO Cash point aṭangin an lo la chhuak tawh mai ang.

YONO Cash tih theihna ATM te chu:- Aizawl city area-ah: 1. SBI Zoram Platinum Branch 2. Saikhamakawn 3. Mission Veng 4. Mission Vengthlang 5. Khatla 6. New Secretariat Branch 7. Civil Hospital 8. Zarkawt, 9. SBI Aizawl Branch 10. SBI Dawrpui Branch 11. Laipuitlang 12. Bawngkawn Lunglei Road 13. Zemabawk. Aizawl pawn lamah:- 1. Ngopa 2. Champhai e corner 3. Darlawn 4. Saiha 5. Lawngtlai

Mizorama SBI ATM dangte pawh upgrade zel a ni ang.

Er. Chhungpuia Renthlei