Ngaihtuah ṭhat a ngai

Covid-19 do kawngah hian CMO leh IDSP te hi an pawimawh hle. Anni hi Covid-19 Test latute an ni a, veng hrang hrang kal kualin Positive contact/ zin hawte sample an la ṭhin.

Aizawlah veng tam tak a awm a, heng vengte hian test ngai an awmin an inhriattir a. Anni hian ruahmanna fel fai tak an siam a, veng hrang hrang harsatna an sut kian sak ṭhin.

Sawi tel ngei ngei ngai chu heti taka betu an ngah chung hian ṭawngkam hawihhawm tak an hmang thei zel a, an fakawm hle.

Ngaihtuah ṭhat ngai chu, hei hi a ni - Sorkarin ruahmanna thar a siam a, IDSP-in zin haw sample an la ang a, CMO lamin positive contact sam­ple an la ang.

Ruahmanna ṭha tak ni mah se belhchian a dawl lo. Tuna kalphung tharah hi chuan CMO West motor pakhatin a chinfel theih mai ṭhinah khan IDSP motor a kal ve zel a ngai dawn a ni. A chhan chu ni khata lak tur zingah veng khatah positive contact leh zin haw an awm kawp vang a ni.

Sorkar senso pawh a san phah dawn. PPE man te, diesel man te ṭul loah sen belh a ni dawn. Hei chauh hi a ni lo, test nei tur tam takin a hunah an la thei dawn lo. Tunah hian thawktute an in daih lo a, ruahmanna thar hian harsatna a belhchhah ang.

Uluk takin sor­kar thuneituten han ngaihtuah se, IDSP emaw CMO emaw hian Positive contact leh zin haw sample la thei ve ve se a duhawm hle.

Mawlmang taka ngaih­tuah pawh hian kal dan ngai kha a ṭha zawk chu a ni.

Lalzarzova