SALUTE TO VETERINARIANS ON WORLD VETERINARY DAY
Vawiin World Veterinary Day-ah hian Mizorama Veterinary Doctor zawng zawngte duhsakna chibai ka buk e.
Vawk hi naupan lai aṭang tawha rem leh rem lo chung chung pawha vulh ve reng ṭhin kan ni. Tui em em lo chungin 2/3 hi chu vulh loh lai kan nei meuh lo. Farm anga vawk tam zawk vulh duhna chu rilru-ah a lo lian ve a, midang farm lian tawh sate han fan kual aṭangin nasa takin mahni kut kawih ngeia vawk form din duhna a lo piang ta a.
Ni 16 November 2020 aṭangin Lengte a kan farm-ah vawk dah lutin bul kan ṭan ve ta rawih a ni. Tunhma aṭanga kan lo la tawnhriat loh thil chi hrang hrang a lo tam hle mai a, natna hrang hrang avangte leh kan enkawl thiam tawk loh avangin ni 24 November 2020 ah kan vawk te an dam lo chho ta a. Vawk chu kan ti thi ve ta n ual mai a, Vety.Polyclinic Hospital lamah report-in a theih ang angin a enkawl dan tur te min kawhhmuh a. Tin an natna hre chiang turin Disease Investigation Team-ten min rawn tlawh bawk a, sample ṭul ang te an la a, min test sak thlap a, Classical Swine Fever (vawk pulhri) a ni tih hmuhchhuah ni.
A enkawl zui dan tur leh vawk In tih thianghlim dan te, insak dan fuh lo lai leh tihdan phung ṭha zawkte min kawhhmuhin min zirtir nghal bawk a ni. Tun dinhmunah pawh Department-in thurawn min pek ṭhin vang hian hri lakah kan la him phah niin kan hria a, Vety department chungah kan lawm em em a ni. Min puihna zawng zawngah hian lawmthu sawi sen loh kan ba a, englai pawhin kan harsatna te kan han thlen apiangah min puih an in peih reng ṭhin.
An hman leh hman loh pawh ngaihtuah lovin kan han be buai reng a, ṭha tak zelin min lo dawng sawng ṭhin a ni. Biak harsa leh hreawmin an awm ngai lo a, min ngaihsak em em reng zawk ṭhin. Kan vawk te an dam fel hnuah Ni 28 January 2021 ah vaccine te min pek sak leh mai piah lamah a hnu thleng pawhin thisen sample te min lak sak a, min ngaihsak zui reng a ni.
AH & Vety Department chunga kan lawmzia hi kan sawifiah thiam lo zawk a, thurawn ṭha tak tak min la pe reng a, kan dinhmun min la ngaihven reng a ni. Kan chunga an ṭhatna leh min duhsakna zawng zawng hi engtikah mah kan theihnghilh ngai tawh lovang.
LALHMINGSANGA, Thuampui Camp : Lengte