ASSAM COVID 19 DINHMUN KA THLIR THIN

Nikum Covid 19 lo lan tirha RT PCR test na nei lo Arunachal Pradesh, Nagaland leh Mizoram te khan Assam State test na kan ṭawmpui vek kha a ni a. Free vekin min test sak tiin min hrilh a.

National Lock­down lai khan State danga Assam zirlai mangan­na tawkte kha bus-in a phur haw a, chung zirlaite him taka hruai haw (escord) turin Assam Police te Special Flight khan a tir chhuak mai a.

Covid dona leh mipuiten economy nunphung pangngai ban pha leh turin Assam sawrkar hian sum leh pai, tha leh zung an va seng hnem tawh dawn tak em aw. Gwauhati hmuna State Houses neite hmunah Test Centre te min buatsaih sak hlawm nia.

Covid 2nd wave-in a luhchilh ve ngei a. An Chief Minister Sonowal leh Health Minister Himanta ten Official-te an han meeting pui a, "Nikum Lockdown lai kha, Covid do nana Health Infra­structure mamawh engkim in buatsaih nan hun kan hmang a. Tunah Covid 2nd wave-in min nuai leh mah se, District Hospital tinah ward kan siam belh a, Covid kaite awmna tur khum te dah belhin kan inbuatsaih e. Hospital tinah Oxygen pawh kan stock ngah a. Lock­down hi a ṭul rih lo, hri kai kan pun san viau chuan, mipui him nan a ṭul leh Lockdown chu la ngaihtuah a ni ang" zuk ti ngam a!

Heti pawh hian Opposition Party te chuan "Keini kan sawrkar chuan, Covid dona sum hmandan kan chhui dawn che u" an ti a sin...

Lalrozara