Total Lockdown a hun lo maw?

Nikum ah Covid vanga damlo pakhat chiah kan neihlai in, a thla a thla kan in Total Lockdown a, tu man ka chhuan chham e kan tilo, kan tawm him ṭhap hlawm a nih kha.

Pu Modiji an Janta Lock Down a tih te khan kan zawm ṭhat zia kha India ram pum mai khan tih kan la hre awm e (Mizote hi thil theihnghilh zung zung mi hi kan ni ve a)

Kanram hruaitute, Kohhran leh NGO te zar ah khauh tak leh fimkhur tak in Mizoram chu a kal a, chutih lai chuan vai ram lam chuan mask te pawh vuah hmuh tur an awm tawhlo e tih hial an nih lai in keini chuan ṭha tak in SOP kan zawm ṭhap ṭhap zel a.

Keini ram ngei ah pawh fiamthu ti tih a chutiang kha tiang chuan thil an tih laiin inkhawm an khap si tih te pawh kan hriat nual kha. Mahse Sorkar, Kohhran leh NGO ten a mipui himna a ngaihtuah fan a.

Hei tunah chuan kan hriat angin, India ram mask vuah duh tawhlo te ho vang chuan a puak darh ta. In hal sen loh an awm tawh. Heng ho fimkhur lo lutuk zar hi kan zo lo bik lo thei lo, an drip khai kan nih miau avang in, Lengpui leh Vairengte ah heng fimkhur lo ho vanga kan Mizo te rawn hawng positive tam tak zia hi.

Vaiho lah in inthlang ram kan nia inthlan neih a ṭul ti in an rally an nei mup mup in an lo Puja mup mup bawk a. Kan kohhran te hi Pathian bel ruat an lo van ni bik tak em, tiang hup hup an rawt ve in an memberte min van veng ṭha tak em, Pathian nung betu kan nihna a lang bik tlat zel.

A man erawh chu : (ti hian ti tawi teh ang)

Covid damlo pakhat kan neih lai a a thla a thla in khungthei kha, tun a covid damlo 700 chuang kanneih hnu chu pawh 2nd Wave a la ni leh nghal a, heti chung pawh a kar hnih thum tal pawh total lock down kan nei ngamlo hi i in ngaihtuah thar teh ang u.

Retheihna leh Economy kan chhuan lam dawn a nih chuan Nikum chhung zawng a kan theih kha retheina chapo pui ṭhen khat te a vang hian covid vei kan pung thur thur thei a ni tih i hremawlh ang u.

Nikum a a thla a thla in lock down thei khan, tun a tak a covid vei 700 chuang kan awm hnu a chhuan chham kan hlau ta hi, kei zawng a Logic hi ka man thiam ve ngang lo e.

Ni e...

lo in total lock down ta ila, ṭhen khat in nitina a hlawh ṭhin Rs 200/- kha a hloh rual in mi hausa chuan a nuai tel teh meuh a hloh dawn, kan hloh zat a in ang dawn lo vek. Mahse kan hlaoh hi hlep ah kan chhiar tlan thiam Mizoram him nan hian a van pawimawh si em.

Sorkar hian bengsik in ngaih tuah se, huaisen tak in Mizo mipui him tlan nan hma la ngam sak rawh se. Sorkar hmalakna chu Kohhran leh NGO ten an support ngei ang an mipuite kan pangai miau a. Chhuan chham tur kan lo awm palh a nih chuan NGO ten a rang a rang in hma an la nghal dawn bawk si.

(He ka thil sawi hi, tunlai Aizawl dinhmun tan bik liau liau ngaihtuah a ka sawi a ni e)