Ruling nge nge a rinawm ber mai

Kan hma lawkah hian Serchhip lama by election result chu kan hre dawn ta a, inrin siak hun a tawp tawh ṭep.

Mi tam takin MLA ni lai Pu Lalduhoma hi khawngaih vote hmangin a tlin an ring leh a, Pu Laltlansanga hi khaw pa leh Congress member tam tak vote hmang­in a tling dawn an ti leh a, hetia Mizoram by election neih tawh aṭanga thlir leh a boruak en hian Pu Vanlalzawma nge nge hi a tlin leh ngei a rinawm ber a ni.

Politician-te hi insawi chhe tawn vak vak leh mi ṭhat­lohna lam hlir sawi ṭhin an nih lai pawha pa ṭha nih thlanga mi sawisel ve mai mai lo, Mizo pa tlawmngai leh Central YMA President hial pawh lo ni tawh, MNF candidate pu Zawma hi ama mimal boruak bakah ruling boruak nen hian MNF tlin ngai vak lohna Serchhip bialah hian a tlin mai rinna a lian hle a ni.

Serchhip hian MLA ni thei pathum an neih hi pa ṭha leh rin tlak vek an ni a, bial vannei tak an ni dawn thova, chuti chung chuan MNF candidate an vote tlin hian an van­neihna a sang lehzual dawn tih an hriat bawk avangin Pu Zawma hi a tlin mai a rinawm a ni.