OXYGEN MAMAWH VANGIN THI TAM (Tu mawh nge?)

Covid second wave avangin India ah ni 1 ah nuiah 3.5 vel in kan han kai ṭhawt ṭhawt a. Chutiang zat hip tur oxygen chu Hospital ten an lo nei awzawng lo va. Mi tam takin an nunna hlu tak an chan phah niin a lang. Oxygen hi engvang a indaih lo nge kan nih?? Sawrkar a lo in ruahman tawk lo nge, Demand a sang lutuk a a indaih thei lo zawk nge?

Covid hma khan India ram pum medical oxygen mamawh chu 700MT/day vel a ni a, Covid a lo hran tak hnu khan 2,800MT/ day vel kan mamawh a tun a second wave ah hian 5500 MT/day vel kan mamawh a ni. Empowered Group II (EGII) in a chhut dan chuan medical oxygen hi nitin 7,287 siam chhuak thei kan ni a stock hi 50,000MT lai kan nei. Chuti a nih chuan kan buaina ber chu enge ni ta ang?

Medical oxygen neitu State ten a nei lo leh mamawh te hnenah an pe thuai lo leh sih chhuah an phal lo hi kan buaina ber chu a lo ni. A nih chuan, supply vel buaipui tu an awm lo emni ta ang? Awm e, India ram medical oxygen supply chungchang a thu nei tu EGII a awm a, member atan State tin ten aiawh an ruat ṭheuh a, oxygen siam chhuak tu company lian te’n palai an tir ve bawk. He committee hi Covid rawn lar tirh phat March 2020 khan din chawp chuk chuk a ni a, ruahman na ṭha tak tak te chu siam ve bawk mah se a nei tuten ‘nangni tan a daih lo ve’ an tih tlat avangin kan buai ta tho tho chu a nih hi. Tin, medical oxygen te hi in thawn a awl sam lo dan leh dun a tam khawp mai.

Harsatna dang leh chu Hospital tam zawk hian tawp loa oxygen supply na tur copper pipe an nei lo a, cylinder an hmang hlawm. Cylinder hi a ṭhat viau rualin a ritsak a, phurh kual leh senso a hautak a, chawikual vel tur pawhin mi 2/3 a ngai zel. Dam lo tam lutuk nen mihring a duh hnem a, tin a bur ruak indaihlohna a nasa lutuk leh bawk si a ni.

EGII hian hma nasa takin a la a cylinder ruak ringawt pawh bur nuaih 1 an order nghal a, tin a mawhtute a thlen ngei theih nan oxygen lama hausa State te hnenah supply turin na takin a ti bawk. PM office in a sawi danin kar kalta khan nitin 6822MT chu a mamawh State 20 ah thawn ziah a ni a, Industrial oxygen siamtuten medical oxygen an siam ve tak a vangin nitin 3300MT in kan oxygen siam chhuah belh bawk. India Armed Force chuan Germany aṭangin oxygen plant 23 an import a, TATA Group chuan Specialised Container 24 a lei fel tawh bawk.

Ni 27 April 2021 hian America in case thar 44,621 an nei a India hian hemi let 8 dawn case thar neiin mi 319,435 laiin covid hi an vei a nimin aiin a zia hret. Vei thar hi an tam lulai lutuk a India meuh pawhin harsa a ti ve ngei mai.

Khawvel pumah medical oxygen mamawhna a sang hle a hei vang hian a man pawh a sang chak hle a, ram rethei deuh ah phei chuan black market aṭang lo chuan neih pawh harsa tak a ni. India chu vannei tak kan ni.

Tun hun hi Zoram boruak hralh hun chu a ni dawn lawm ni mamawhtu an tam si a, nge ni state tam tak tih dan angin kan uṭawk tur vawn dawn……

https://economictimes.indiatim... supply-chain-success-with-blue-yonder/articleshow/82210482.cms (accessed 11:22 April 27, 2021)