POLITICIAN HLAWHTLING NI tur chuan

Mizoramah hian Politician inti, politics hlawh­tlinpui chuang lo an/ kan tam hle. Minister leh CM te meuh han ni tur phei chuan Consumers te chanvo leh an welfare ngaihtuah nachang hriate chu an ding chhuak ṭhin.

Lalu Prasad Yadav te khu mihring mihrinna lamah chuan a chhawihin pa bawl nuam tak ni mai awm hi a ni. Amaherawh chu Consumer welfare a au chhuahpui a, (Consumers hming erawh a sawi ngai lo) mipui chanvo humhalh leh mipui hmakhua, an ei leh bar tur haichhuah a tum dan a sawite chuan a lamah Consumerd (mipui) a hip phah nasa a. Union Minister hial a chang thei a ni. 

Khawvel mipui 70 % hi chu Consumers kan ni a, chung zingah chuan Electric, Food, water, Telephone ang zawnga chhut a la tel lo lehnghal - heng hi kan chhut tel phei chuan 100% hi Consumers chu kan ni mai. 

Ei leh bar, Kawlphetha, Tui leh Telephone, TV, thiam­na etc., mamawh vek kan nih avangin, chu'ng Consumers, (man chawia chutiang hmanga chhawrtu) te hmakhua su kaw thei tura inzuar mihring chu, hruaitu, PM, MP, Minister atan kan it a. Consumer-ten kan mi rin leh beiseina tihlawh tling tura kan rin chu kan thlang tling mai ṭhin. 

Sawrkar hnathawk pawh nise, Kawlphetha, Chaw, Tui, TV Consumers an ni vek a. Zirlai pawh thiamna tur man an chawi avangin Consumer an ni ve ta tho a. 

A tawi zawngin, Kawng hrang hrang a Consumer-te mamawh min phuhruk sak thei tura inzuarh nachang hria leh in zuar thiamte chu Politician hi an niin, mipuiin kan mi rin, kan thlan chhuahte chu MLA, MP, Minister an lo ni ta a. An hun laia Consumers te lung tiawi, an thlan nawn leh duh ṭhinte chu Politician hlawhtling an ni. 

Chuvangin, Politician hlawhtling ni tur chuan Consumer te tilawmtu an nih a ngai. Consuners leh Politician chu thil inkawp, Politician kalkawng chu Consumers welfare atana inhmang leh inzuar thiam, ti hlawhtlin ṭhin hi a ni. Politician inti chuan Consu­­mer-te an thlauh thla ngai lo a, an chawi sang ṭhin.