Thiam Lo Pass-tir Dual Kha (Corrigendum)

April 3, 2021 (Thawhleni) Vanglaini-a chhuak, ka article ‘Thiam Lo Pass-tir Dual!’ tihah khan thu hriat dik tawk lo ka lo nei hlauh mai a; pawi ka ti hle mai.

Coronavirus hri leng avangin nikum lamah School kal mumal theih a ni lo a. Chuvang chuan sawrkarin pawl 10 leh 12 (HSLC & HSSLC) exam portion pawh 30%-a tih tlemsak an ni a [Memo No. J. 11016/1/2018-MBSE (Acad)/16 : Dated Aizawl, the 7th August, 2020]. Tin, Central lama Parliamentary Standing Committee on Education chuan Central Education Ministry hnenah Sample Questions/Question Bank chu Board exam turte hnena siam turin thu a lo pe tawh bawk a. Sample Question hi State sawrkar mai ni lo, Central sawrkar thu chhuak anga buatsaih a ni tih pawh ka ziak lang lo a. India ram chhunga State tin Board leh Central Board te pawh Samle Question/ Question Bank hi siamtir vek an ni. MBSE lamin subject tinah Sample Questions Set khat siamin Mizoram Secondary School Teachers Association (MISSTA) leh Mizoram Independent School Association (MISA) te tang dunin Question Bank Set thum an siam ve leh bawk a ni.

Tin, zawhna pawh, Sample Questions/Question Bank atanga chhuak vek anga ka ziah pawh kha belhchian dawl a ni lo bawk a. Thahnemngaih luat avanga ka tih sualah MBSE, MISSTA leh MISA hotu leh hruaitute chungah ngaihdam ka dil e.

Zirsangkima