Ventilator kan va nei tlem ve?

Hripui thawh­khatna a reh fel hmain thawhhnihna kan state pawn lamah a che tawh a. Delhi leh state dang an buai phili hle tawh a. Mizoram pawh thlasik anga khêl lovin rawn nuai a tum dawn tih kan hre sa vek.

Lo dan chah leh Covid patient enkawlna tur leh qf lo buatsaih lawk fe a ngai. Sawrkar hian theihtawp a chhuah chu ka ring, mahse loophole a awm thei em?

Ventilator kan neih tlemzia kan hria, engvang nge heti em ema tlem kan neih le? Ventilator to deuh leh tlawm deuh chu a awm ngei mai a. Tun ang hripui len laia hman atan chuan ICU ventilator MSLVM15 hi a ṭha tawk hmel viau. A man pawh a to vak lo Rs. 5 lakhs vel a ni e.

Lengpui Airport khu tunhnaiah ka zin ve a, a la ṭhain hripui kara tih changtlun ngai vak niin a lang lo. Tuna airport tihchangtlunna tur cheng nuai 9300 hi ventilator lei nan divert ta se ventilator 1860 zet a lei thei dawn a, a dahna tur kan nei daih kher lovang. 1860 em em ni lovin 100 vel tal leia lo inbun felna hun kan nei. PAHOSS an ti emaw nia an sem turte kha hripui donan hmana beneficiaries ho erawh chu tlema pek tlai hret pawi ti lo tura tlawmngaihna nei an ni ang.

State budget hi a hlawmin a rawn kal tawpa Mizoram sawrkar in a ṭul a tih ang anga sem darh chawp a ni. Eng nge kan sawrkar in a ngaihpawimawh chiang takin a hriat theih.

Tin, budget pawn lam aṭanga kan dawn, a hmanna tur ruahman sa vek pawh hripui len lai chuan central a thilphal em em bawk.

Chu mai a la ni lo. Hripui dona tur in central in cheng vaibelchhe tam tak min pe bawk.

Laltanpuia Varte