COVID-19 Hri leng do vs PAHOSS!

Covid-19 hripui dona atan PAHOSS sum la sem chhuah loh cheng nuai 5997 (Vbch 57 chuang) hi hman theih a nih lohna tur a awm lo, Chief Minister leh Finance Minister thu thu a ni.

'Covid-19 hri leng vangin hmasawnna a kal theilo' kan tih hunah PAHOSS atâna kan sum dah Covd-19 dona atâna kan hman duh chuan si loh chuan tu'n nge kan thusawi awih ang?

Mi hausa in sa te a thlawna pek tur PAHOSS atan kum 2019-20 Mizoram Budget-ah cheng nuai 6000 (Vbch 60) dah a ni a, kum 2020-21 Budget-ah cheng nuai 1000 (Vbch 10) dah leh niin, a vaiin PAHOSS atan State sum liau liau cheng nuai 7000 (Vbch 70) dah hran tawh a ni.

Heta ṭang hian installment in cheng nuai 1003.30 (Vbch 10 vel) sem a ni tawh a, nuai 5997 vel la sem loh a awm tihna a ni.

Mirethei te'n cheng nuai 3 an dawn tur an nghak mek a. Covid-19 hrileng vanga inkharkhip (Lockdown) in an nitin sum leh pai thawhchhuahna a tihtawp leh a tih­chhiat chhungkaw tam tak an rum mek a.

Sorkarin chung mite chu ṭanpui aiin khawtlang mi thilphalte kutah a dah tawp a, covid-19 hripui dona tur sum khawn a ngai bawk nen, hetiang din­hmun kan tawk chung pawha PAHOSS sum hi hripui dona atana kan hmang phal lo zel a nih chuan, hrileng rapthlak tak lak aṭanga mipui damna leh himna hi kan ngaipawimawh lo hle tihna a ni ang.

Dr. Lallianchhunga