Kan dam chuan kan la tho chhuak leh em em ang

Kan inkhung hram hram chung pawha heti taka hri kai kan pung zel mai hi a manganthlak ngawt mai.

Inkhung lo phei ila, engnge kan dinhmun hi ni ang, ngaihtuah ngam pawh a ni lo e.

Inkhung hi tuar tak tak kan awm tawh a, amaherawhchu mithiamte sawi danin inkharkhip aia ṭha hi mipui dam tlan nana tihtheih a la awm si lo a, kan la inkhung zel hi a ṭul hmel si a. Chuvangin "Kei leh ka chhungte hi dam phawt mai ila" tih hi i ngaihtuah rih phawt mai teh ang u.

Hun harsa kan tawh laia zonunmawi "Sem sem dam dam, eibil thi thi" tih thu a taka kan nunpui zel hi mizo nih a va nuam em.

Hripui rapthlak tak kan hmachhawn mek lai hian zonunmawi hi mi zawng zawng hian kan nunpui niin a lang.

Zawhna ka dawn tam tak chu "Tunge chhawmdawl ngai, ṭanpuina pek tur i hria em" tih hi a ni. Mizote hi kan ral mai mai lovang, kan inṭanpui tawn ṭha em mai.

Upaten thuhnuairawlh taka "Dam hi han hauh phawt mai ila" an lo tih ṭhin hi a dik em em a ni.

Dam tlang phawt ila, kan dam tlan na na na chuan Pathian zarah kan la tho chhuak leh em em ang tih hi i beisei tlat ang u.