RAWMI KUI ṬIAK TUPA VANNEIHZIA!
Kumin kumtir lam khan Bairabi Zophai kan zuk kal a, Zophai penna turah chuan RUA an lo kui tiak nasa mai a. A neitupa inti ber chu kan han din chilh a, an raw ṭiak chu eng rua ngei a nih tih kan han zawt a. A hre lo. A chingtupa berin eng rua nge a hriat tak loh ah chuan Mizoram Chief Minister-in a sawi ṭhin Latiflorus emaw Brandisii emaw a nih kan ring ve ta ngawt a.
Rawmi hmu reng chunga rawmi ka la hmu lo emaw ka lo inti kha keima lam chian kuan loh avang pawh a ni lo. A chingtupa raw ṭiak nuai 30 man vel zet chah thleng tawh nia insawi, Aizawl chhim lam veng pakhat a an chhungte in a khawsa ni a insawi kha a lo chiang kuang lo em a ni.
Raw chi nuai 30 man zet a kui ṭiah tawh hnu a, eng rua ber nge hre lo kha chu a chiangkuang lo ve lam chu a ni! Horticulture Department lamin Rawmi tender an han tihchhuah takah khan Rawmi ka lo hmu tawh tih ka inhre ve chiah a ni.
He Rawmi Zophai peng bul lawka an chin, a neitupa ber pawhin eng raw chi ber nge tih pawh a hriat loh hi thuneitu lam chuan an ngaihvenpui viau lawi a. Horticulture Director pawhin a tlawh tawh thu te, a aia hrawl deuh Horticulture hotu leh zual pawhin a tlawh tawh thu te a sawi a ni.
A raw hming hriat loh a chin ve tawp (Ama sawi dan a nia! Zmp Tlau) a hming pawh a ngaihven leh loh hi Mizoram Chief Minister Pu Zoramthanga meuh pawhin ṭumkhat aia tam a tlawh tawh thu te chu a sawi tak deuh deuh a.
He Rawmi kui ṭiaktu hian a hming pawh a hriat loh dan aṭang hian a ngaihven dan a thuk lo hle tih chu a hriat a, hengte avang hi a ni maithei. DHO Kolasib pawhin a ruk deuh roh a a zuk tlawh zur zut ni.
A hming pawh a hriat loh kui ṭiak ve tawp tu. Rawmi kui ṭiaktupa han vanneihzia mai hi chu aw. Hripui leng karah Horticulture Department-in Tender an han chhuah ta rup mai a ni leh nghal a.
A chingtupa hnenah hian an raw chin chu Department lamin an hriatpuina a ching an nih leh nih loh kan zawt a, department hriatpuina a ching an nih loh thu in min chhang a, "In risk tawp mai a ni maw ?" ti a kan zawhna pawh "Risk tawp a ni mai " tiin min chhang. He mi ṭum hian media lam mi mi pathum kan kal a ni.
Zmp Tlau