KRISTIANNA LEH CHANGKANNA
Kan khawvel hmasawnna in a ken tel pakhat chu changkanna hi a ni. Hei hian kan khawvel hi a fang mek a ni. Thusawitu ṭhenkhat tena an sawi nasat ber ṭhin chu kan ramah hian Kristianna a lo luh aṭangin changkanna lam kan pan chho a ni ber tih hi a ni. Hei hi a dikna chen pawh a awm thei awm e.
Tunlai changkanna hian kan Kristian nunmawi leh ṭha a ti bo hle niin lang mahse khawvel changkang zel hian Kristianna tinung zel turin ṭhalaite leh nu leh pate hian ṭan kan lak a, keinihoin hma kan hruai loh chuan Pathian thu lama kan hriatna ṭha tak tak te leh thu ṭha tak kan dawn ṭhin te hi he khawvel changkanna hian a hruai bo ve mai a hlauhawm tak zet a ni.
Mizo tena kan entawn leh an tih dan kan lak ber ṭhin Sap hoin an sawi sawi fo ṭhin Simple Living & High Thingking an tih hi kan ramah kan hmeh bel thiam a pawimawh khawp mai. Kan nitin nun leh kan Kristianna ah pawh hei hi keini Kristian in ti te hian kan in enfiah nan leh kan in bihchian nan a kan hman a, kan mawhphurna a ni tih hi kan hriat reng a pawimawh tak zet a ni.
Kan Kristianna ti chhe zawng leh ti bo zawnga changkan hi Pathian duh loh leh mihringte thihna bul ber a ni tih hi i hei hauh lo ang u. Tunlai khawvel changkang zel ah hian hnam ropui leh changkang zawk tena an hnam an in biak pawhna media ti ila. Media hmang hian he kan rama kan Kristianna in hma a sawn zel theih nan leh Mizote kan changkanna zel theih nan hian ṭan kan lak zel a hun tawh tak zet a ni.
Ram changkang ah chuan media hmangin Pathian rawngbawl hna an thawk ṭhin a, tunlai a hri lengin min tih buai mek karah hian tun aia nasa a media hmanga Pathian rawngbawl hna, ram rawngbawl hna, leh khawtlang rawngbawl hna kan thawh hi a pawimawhin a hun tawh tak zet a ni.
He changkanna hian thil pawimawh tak a ken tel pakhat chu thianghlimna hi a ni. Thianghlimna hian kan ram, kan hnam leh kan Kristianna te hi nasa takin a ti hmasawn mek zel a, kan thianghlim loh chuan kan ram leh kan hnam hian hmasawnna lamah hma lam min pan tir thei lo tih hi kan hriat reng a pawimawh viau a ni.
Thianghlimna ah hian kan in leh a vel kan tih thianghlim a pawimawh ang bawkin kan ei leh in thleng a kan tih thianghlim a, kan ngaihtuahna thlenga kan tih thianghlim hian kan Kristianna leh kan changkanna chungchang ah hian nasa takin hma min sawn tir thei a ni.
George L.Ralte