Chief Minister DO letter kha... (Lunglei min ngai mawl mah mah deuh lo maw )

Lunglei Civil Hospital a Laboratory building sakna tur NEC-ah cheng nuai 781 lai dil a nih thu leh DPR thawn a nih thu te, Chief Minister meuhin DO a ziah thute news-ah ka lo hmu a. Ṭhenkhatin Lunglei mipui chu lawm hle turah min ngai a, a ṭhenin lawm­na chang hre lo-ah min ngai bawk - an sawi luai luai mai.

Lunglei mipui min ngai mawl lutuk deuh a ka hriat avangin tawite kan sawi ve ang e.

Sawrkar laipuiin NEC kalphung siam danglamin State ten kan tum ve ṭhin 10% kha a tibo ta a, a lawmawm hle mai, mahse 100% min pek hnuah kan hmuh erawh chu 90% min pek lai aiin tlem tak a ni, tlem tak.

North East state ten kumtin ngaih­pawimawh bik (Prio­rity Project) thlangin a sawifiahna (concept) nen NEC-ah an theh­lut ṭhin a, chuta ṭang chuan hmalakna tur thlan a ni ṭhin.

Tun hmaa Delhi/ Shillong a meeting ṭhin kha BJP sawrkar hian State mamawh chu anmahniin an hre ber tiin state tin Chief Secretary Chairman na hnuai­ah State Level Execu­tive Committee (SEC) siamin chu meeting-ah chuan NEC Officials te pawh telin state priority list aṭangin hmalakna tur an thlang (approve) ta ṭhin a ni. Chumi hnuah chuan detail project report (DPR) thehlutin NEC Tech­nical lamin an enfiah hnuah pawisa an sanction chauh ṭhin.

Kumin 2020 - 2021 atana kan state ngaihpawimawh (prio­rity project) ah Lunglei Civil Hospi­tal Laboratory building sakna tur a tel ve phak lo a, Mau sawngbawlna tur leh Chakai Farm siamna erawh vaibelchhe sawm chuang a tel thung.

Tichuan ngaih­pawimawh (priority list) ah Civil Hospital, Lunglei Laboratory building pawh a tel lo, project pawmtu committee pawh la ṭhutkhawm hmaa DPR thehluh tih te, Committee Chairman State Chief Secretary a nih tho laia Central Minister hnena lehkha pawimawh (DO) thawn daih te hi mipui ngaihsakna tak tak a ni loin ka hria. Lunglei mipui hi min ngai mawl mah mah a ni.

Chuvangin, Covid avanga project en­nawn theih a nih chuan Civil Hospi­tal, Lunglei Labora­tory building hi ngaih pawimawh (state priority) ah dah se, na­kinah CS ho a mee­ting hunah kha kha thlan ngei nise tiin telephone pawhin hrilh se a tawk em em a ni.

Hripui len lai phei hi chuan inlem­tekhual mai mai loin Mizo hnam hmalam hun hi i ngaihtuah tak tak ila, i ṭangrual ang u...

Ka lawm e
Joseph Lalhimpuia