RT-PCR AIIN RAgT HIAN COVID-19 A HMUTHEI ZAWK ANG MAW!?

Nikum lamah Rt-PCR Laboratory din hautakzia hahipa sawina te Local TV lamah kan ngaithla hlawm a. A tira BSL-II Level Rt-PCR 50 vel hman theih kha, tunah RT PCR Laboratory 1400 chuang awm tawhin PCR- TrueNat leh CBNAAT te nen Covid hri hmu thei Labs 2506 chuang India-in kan nei ta a ni.

WHO leh ICMR Reco­mmend kalhmang thlirin mipui a tam thei ang ber Rt-PCR Gold standard hmanga test neih niin a lang. State District zawng zawnga Rt-PCR bun, test na hmanraw dang pawh hmangin, Rt-PCR bika 70% test phak turin ICMR leh Central sawrkar Advisory ngenna a ni. State dang chuan an zawm phak tawh a, Mizoram erawh chuan 17th July khan Rt-PCR & TrueNat test belhkhawmin 50.48% a kai a, a san ber record a ni, RAgT 49.52% a la ni.

India rama Covid Hospital lian ber Covid damlo khum 1500 enkawl theihna Lok Nayak Hospital, N.Delhi (a vaiin Khum 2000 chuang an nei,) chuan eng natna damlo inentir/ emergency pawh nise RAgT an nei hmasa phawt a, a hnuah Rt-PCR test an nei leh chauh ṭhin. Hei hi India ram Hospital liante kalhmang Protocol deuh a ni, RAgT chu Emergency-ah a ṭha, Containment Zone leh mihring bitna Slum Area ahte Mass test, Random test nan a ṭangkai.

Korean Navy 40 damlo Covid symptom ni ngeia langte RAgT an nei a, Negative hlawm a, RT PCR in an test leha an Positive hlawm thung.

RAgT negative ni si, lo positive tlat a nih theih, helai hi Mizote inkaidarhna leh Positive kan pun tulh tulhnaah ka ngai. Test na Standard accuracy thei ang ber hi hman a ṭul takzet.

4th May 2021, ICMR in 2nd Wave test kalhmang Advisory a ti chhuak a "Recommended Measures to optimize Rt- PCR testing" (a) Test na engpawh a Positive chu test nawn ngai lo. (b) Positive enkawl dam tawh chu discharge dawn ah test ngai lo (c) inter-State zin veivakte tan Rt-PCR negative neih tulna/ phutna paih a ni. @ Pahnihna hi tam tak chuan ni 10 enthlak tura ni sarih hnu ni 3 chhunga symptom neih loh chuan discharge dawnah engmaha test ngai lo, tiin an hmang a. 4th May -ICMR Advisory hian RT PCR test chungchang bik chauh a sawina, test na danga discharge tur examine/test ngai lo zawngin a sawi lo tlatin ka ngai.

A chhan chu Rt-PCR Labo­ratories hnathawktu leh machine-te hi an hah lutuk a, a theihna chinah chhawk zangkhai a ṭul. India mipuiin Gold Standard ngeia test tum kan tam bawk si a, TrueNat leh CBNAAT in an thawh hlawk si lo a. Keini State chuan RAgT kan hmang tho si a, discharge dawna test nan pawh hmang ila, ICMR member pakhat pawhin discharge tur test chungchang zawhna chhangin "RAgT hi chu market-ah pawh lei tur a tam a, discharge dawna test nan pawh hmang se, a pawina a awm lo" tiin a sawi.

Mizoram State sawrkar H & FW 19th July 2021 Order chhuahah, Positive symptom nei leh Positive symptom nei lo enkawl damte discharge kawngah "RAgT, TrueNat, RT PCR test a ngai tawh lo" tih a ni. "Discharge tawh Symptom langa damlo leh chu RT PCR in test tur" tihte pawh a tel a, Rt- PCR chu kan dah standard sang viau lawi awm e. Discharge dawna test ngai lo tihah hian RAgT hi huam tel lo se, Rt-PCR test rate Rs 1200/- leh RAgT test Rs 200/- a inthlau hrim hrim a, sawrkar hi RAgT hmangin lo sumdawng lo teh se, test na hi Rs 100/- bawr pawhin a theihin a lang.

Tunhnaia RT PCR leh RAgT tehkhawng standard khata sawi tumna hi, Lunglei RT PCR Laboratory bunna tur JCB a laihzawl chuk chuk ṭulna High Court zawhna chhanna "Tun dinhmunah Lunglei District tan Rt-PCR Laboratory mamawhna a awm lo" tihte avangin kan sawrkar chelek ber RAgT standard hi Politics boruak leh Official ṭhenkhat aṭang pawha fakmawi la tum phetna em ni ? High Court rorelna thuchhuak tur thlengin mipuiin beng kan dawh a nih hi

Lalrozara