MY CHIEF MINISTER:- RAMRI DRAW DIK KAN CHAK VE TAWH....
Ramri chingfel tur chuan Survey of India map-ah rin fel hmasak a ngai. Rin fel hma chu kan buai reng dawn.
Tunlai kan buaina hi ramri chingfel tura buaina a la ni pha lo zui. Ramri rin fel loh rei lutuk tawh avanga buaina, ramri a innawrna (Law & Order problem a ni). Tuna kan buaina hi chu DC level a chinfel chi... Eng emaw chhung atan te mai a.... Force hmanga tuk daih (situation under control) rih vel mai mai thil a ni.
Inter State boundary erawh chu CS emaw DC level a chinfel chi a ni lo... State hotute, Chief Minister level a chinfel chi a ni. Inter State boundary dispute chuan 'political settlement' a mamawh.
Vawiina Assam lamin ramri an intih neih fel tawh, Constitutional Boundary an rawn tih ve zak reng pawh hi Mizoram Sawrkarin a lo pawmpui ru reng tawh a nih chuan 'mipui' lam hi hrilhfiah keuh ngam se la, pawmpui loh pawhin.... Assam ramri pawm hi kan pawm ve lo...ramri rin (the North East Areas Reorganisation Act 1971 hisap a rin....) a nih laiin min rawn ve lo, ground verification a awm lo... kan pawm thei lo, a thiang lo bur... tiin Central Sawrkar, Assam Sawrkar te hriattir fel fak ni ve rawh se. Kan ramri kawh a in-an loh vanga hetia buai mek hi kan ni. Ramri neih fel hmain tu'n nge rawn chuh a, chuh lo tih pawh a hriat theih loh. Chuvangin, tun dinhmunah chuan tu nge thiama thiam lo zawk pawh a hriat loh....
Ramri kan pawm ve dan pawh draft stage talin i nei fel vat ang u... Assam te chuan an State Gazette-ah te hial an chhuah thlip thlep tawh.
Ramri chin fel hna i ṭan ang u - uluk, chak, dik leh huaisen takin. Time pass mai mai chi a ni tawh lo. Assam ram kan la chuh ngai lo, kan 509 square miles a zau Inner Line Reserved Forest, a tir aṭanga Lushai Territory aṭanga Mizo District aṭanga Mizoram UT/ State chhung a awm la ni ngar ngar te hi enkawl ve tawh kan chak lo'm mi?
Mizoram mipuite ngaihdan a pel tlat tawh. Mipui lamin chinfel kan cho, kan chak thak zak. State Sawrkar lam in zumzuk tlat reng hi hriatthiam a harsa ta a ni.
Dear Mizoram Chief Minister, My Chief Minister.... baw liye naa, kuch taw baw liye ...Nge ni kan ramri chinfel dan formula hriat ruk ve chu 'Flag var' zar zel rih hi em ni lo ni zawk le? Chet chhuah vat loh chuan...pawi zawk ang. November 2023 innghah tir tum tlat chu peih awm lo ve det a nia.
[Pawimawh: North East Areas Reorganisation Act 1971 hisapa Survey of India map (topo sheets) lo draw chhin foot note a thai sen ho hi uluk takin lo chhiar chiang ve teh u. He Survey of India map hi a nia Assam chuan an rawn rin hmak tawh, Constitutional Boundary an rawn tih ve zak reng chu.... hahthlak lam chu a ni]
Hriata Chhangte