HLAWHCHHAMNA DUHAWM

Hlawhtlinna kailawn hmasa ber chu Beidawnna Rahbiin a inṭan a, hlawhchhamna kawngkharah min hruai lut ṭhin. Chu hlawhchhamna kawngkhar piah lamah chuan Hlawhtlinnain min lo hmuak reng si. A kawngkhar hawng ngam lo hian kan lo tawp leh mai ṭhin hi a ni a, kan hawn chiah hian hlawhtlinna kan lo chang ṭhin.

Hlawhchhamna hi kan 'indicator light' kawng dik lam zawk min kawhhmuhtu a lo ni. Hei chu kawng dik a ni lo, a lehlam zawngin bei(try) leh rawh; chhanna(answer) dang pe leh rawh min titu hi amah Hlawhchhamna leh Beidawnna hi lawm le. A duhawmin ka ngaina tan riau mai.

Kan ṭhianpa, Kaphranga rui lungpuam thusawi mi hneh em emtu chu "Hlawhtlin i tumna kalkawngah hian hlawhtlina (success) tam tak a awm, Target/goal thil tum thleng lo mah ila, hlawhtlinna kan chhar tawh" a ti.

Hlawhchham leh beidawng ngai lo mi chu mihring leh mi nung ni tlak a ni lo. Mi â leh mitthite hi an beidawngin an hlawhchham ve ngai lo; a chhan chu mi tling lo/mihring tling lo an ni tlat. I beidawn fo a, i hlawhchham fo chuan inchhuang rawh; mihring i tling a ni. Tin, beidawng leh hlawhchham ngai lote hian engmah an ti lo tihna a ni. Hlawhchham turin hna an thawk lova, beidawng turin engmah an zir ngai lo tihna a ni. Chuvang chuan Hlawhchhamna hi kan nuṭa nise, Beidawnna hi kan farnu lo ni mawlh teh se.

Nipui a thaw ṭan e. Beidawnna kawngkhar hi vawi khat tal kik nawn leh ta che.

Pate Lyno