KAN HUN TAWNG MEK LEH MYC PERHKHUANG 2021

Beiseina nen sorkar kan thlir laiin Covid 19 in min tibuai a. Covid 19 hrilengin min run a, mitin kan buai a, a bikin sumdawngte tan chet ngaihna a awm lo. Chu tih laiin Mizoram Youth Commission chuan 'MYC Perhkhuang 2021' tiin music lama intihsiakna a buatsaih daih dawn thung.

Engtin nge kan nun khawchhuah theih ang? Engtin nge in luah man kan pek ang? Dawr luah man hi khawi aṭang nge kan pek ang? Mi tam zawkin survival lam kan ngaihtuah laiin MYC berin hlim hlawp lam min ngaihtuah san daih thung - khua a var lo ṭhin teh e.

Pu Joseph L. Ralte thuziakin, kan sorkar hi harh chhuak se a tihna i lo thlir teh ang: 'Wake up Call'

Engpawhnise, tun ṭum lockdown hi han zo se. Kan sorkar pawhin tih tak meuhvin, tih tak meuhvin kan ram economy siamṭhat hna lamah in sawr­bing se a hun ta a nih hi.

Tun dinhmunah chuan contract therhlo te te sem, step rem contract, electric supply etc thil ṭul lo hi chu stop vek rih se.

Kan potential neihna, production kan neih theihna, sumpai kan hailuh theihna tur economic activity hi kum 3-5 chhung chu buaipui char char a ngai hrih a ni.

Kan sorkarna chelh mektu MNF sorkar pawh hian thil ṭul lo leh holam mai maia sorkar an kalpui reng a nih vaih chuan ram hmangaihna nei lo tih hial tlak an ni ang.

Industry awm lo, factory awm lo, income tax pe bawk si lo, vaiho chhiah pek khawm saa nung, central chawmhlawm min ti a, ringlo miten min deusawh mek lai hian ngaihtuahna thar i hmang teh ang u.

Hri a leng emaw leng lo emaw kan thil chhuak leh thar­chhuah promote zawnga kal a hun ngawih ngawih a ni tawp mai. Chutianga hma la tur chuan Entrepreneurship Development chak taka kalpui mai bakah enterprise creation siam a ngai. Ruahmanna mumal - roadmap siam a hun tak zet a ni. Hei hi wake up call a ni.

... is what is on my mind."

Thalai Entre­preneur la tuai tirte tan tun hunah hian engemaw hi buatsaih zawk se, sorkar hian a hun hi hrethiam hram se. MYC hian hlimhlawp lam chauh a tuipui chuan a sawhkhawk kan tuar ngei ngei dawn. Insiam ṭhat a ngai hle mai.

Melvyn Vanlalhlimpuia