Ṭanrualna ṭha mi kan hmu

MNF, Congress, ZPM adt. kan hmu lo, Mizo tih zawng kan hmu e. Tun ramri issue-ah ngat hi chuan sawrkar lamah kan ṭang ṭhup a, kan tawrh tur lam aiin kan ram zahawmna kan ngaipawimawh zawk tih a lang ta.

Kan sawrkar chet dan kha kan ṭan vek niin ka hmu. Kan opposition party te pawn ṭanrual hunah kan sawrkar an thlawpzia an tilang. National news Channel lama in lan turin Opposition Party mi leh sa sawm an hlawh hlawm khawp mai a. Mizoram Sawrkar sawi chhia a, ti hmingchhe thei turah an beisei a ni mahna... mahse chutiang thil chu a awm lo, Mizo kan ni tlat.

Pu Lalthanhawla pawn Mizoram sawrkar a thlawp tlat mai (an beisei loh a nih a rinawm). Republic TV lahin MNF Sawrkar sawichhe duh tura ngaiin ZPM party mi Pu TBC-a an sawm a. Ani lah chuan kan sawrkar thil tih a thlawp tlat si. An beisei ang ni lo lutuk kha a line te an cut thul....

A hnu deuhah ND24TV lamah Opposition party lam tho Pu David M Thangliana an sawm ve leh a. A ente chuan panel ho kha Assam lam an ni deuh ṭhup tih kan hmu ang.

Pu Davida pawh hi Mizoram sawrkar thil tihdik loh te, Civil lam thunun lo tia sawrkar lam a dem theih an beisei a ni mahna. Mahse, Pu Davida a ṭawng sual duh chuang lo. Kan ṭanna hi a dikzia khawvel hriatah inlungrual takin kan tarlang mek a ni.

Tun ṭum kan ramri humhalhnaah hian Mizo mipui zawng zawngin sawrkar chet dan kan thlawp tlat a, Sawrkar pawh hi lawm hle turah beisei phawt ang.

Heti taka mipuiin kan thlawp bawk avang hian kan sorkar pawh hian 'dawih aw' ni loin 'huai aw' chhuah zel teh se. A ṭul chuan, kan hnam tan chuan tawrh deuh pawh kan huam tih a lan reng hi...