Covid hrileng vanga lirthei chhiah chi hrang hrangah mipui harsatna awm thei phuhru tura sawrkar hmalakna te...

Lirhei chhiah (Tax/Fee) tlingkhawm hi sawrkar tan revenue pawimawh tak pakhat a ni. Lirthei neitute hian a hun takah chhiah an pek loh chuan dan angin late fee hi an chawi ngei ngei ṭhin. Chutih laiin Covid hri a lo len avangin lirhei nei te, lirtheia eizawngte tan a hun takah fee hrang hrang pek theih a lo nih tak loh avangin mipui harsat hriain, Transport Minister Pu TJ Lalnuntluanga hmalaknain hetiang hian ṭum engemaw zah sawrkarin late fee te a lo ngaihhnathiam tawh a ni.

1. June ni 31, 2019 hma lama lirthei chhiah chi hrang hrang bate tan late fee chawi ngai lovin 1st July, 2019 aṭanga 31st August 2019 thleng chhiah pekna hun hawn a ni.

2. Covid-19 hrileng avangin MORTH order zul zuiin ni 1.2.2020 - ni 30.6.2020 inkara document thi te late fee chawi ngai lovin ngaihhnathiam an ni.

3. Covid-19 hri­leng avangin MORTH order zul zuiin ni 24.8.2020 - ni 27.12.2020 inkara document thite late fee chawi ngai lovin ngaih­hnathiam an ni.

4. Covid-19 hri­leng avangin MORTH order zul zuiin ni 26.3.2021 - ni 30.9.2021 inkara document thite late fee chawi ngai lovin ngaihhnathiam an ni.

Hetianga Tran­sport Minister Pu TJ Lalnuntluanga hmalakna hi a ropuiin a fakawm tak zet. A bik takin lirheia eizawng (Commercial Vehicle owners) tute tan phei chuan a lawmawmin a hlu lehzual.

Chutih rualin, late fee chawi lova Tax/Fee Transport Department-in a lak ngawt chu dan angin a rem lo a, sum kaihhnawih thilah Finance department phalna lak hmasak zel ngai leh Audit hmachhawn leh ṭhin a nih avangin, Chief Minister leh Finance Minister ni bawk, Pu Zoramthanga'n mipui harsatna hriaa late fee chawi lova tax/ fee pek a remtih sak hi a ropuiin a hlu a.

Late fee chawi lova Tax/Fee lirthei neituten an pek theih nana an hnathawhah CM leh Transport Minister te an fakawm tak zet a ni.

HP Zonunsanga