Engatinge oil palm? Engatinge exotic bamboo? Ka ngawi thei lo a ni...

Ramri kan humhalh nat ang bawk hian kan ram chhung hi kan humhalh tur a ni. Ram pawn miten kan ram an lak kan hlauh em em lai hian keimahni ngei hian kan ram chhung hi kan ti chingpen em?

Tun ṭhal khaw char laia tui hna kang chat avanga a ram pum deuh thaw a kan buai laiin oil palm kan buaipui leh dawnin a lang a. A effect chu a na viau ang. Tui hna ka rawn sawi lan deuh kher hi chhan pathum a awm a-

1) Scientist-ten an zir chhuah tawh chu oil palm hrim hrim hian ruahtui leia luang lut tur hi a titlem a, a surface a luang ral a ti tam.

2) Ngaw zau tak tak kan suat a ngai dawn. Chu chu a ṭhat lohzia chu sawi ngai lovin kan hria.

3) Oil palm hian tui a mamawh hnem lutuk. Mithiamten an chhut chhuah tawh aṭanga sawiin oil palm 0.02 sq kms irrigate na atana nitin tui a mamawh zat hi Mizo pa pakhatin kum tluana a tui hman tur mamawh zat aiin a tam daih.

Heng bakah hian monoculture plantation hian biodiversity/nung­cha hrang hrang a ti chimit hneh hle. An pawimawhzia chu kan sawi fo tawh ṭhin kha.

Ramngaw, nung­cha kan hmangaih lo a nih pawhin, kan ram kan hmangaih lo a nih pawhin, Mizo hnam leh kan thlah zel turte tan tal hian kan ram hi humhalh ang u.

Dr. Lallianpuii Kawlni, Scientist WII