MNF President leh BJP President inkawm kha

March 10, 2018-a Vanglaini article huanga thlalak kha ka lo hmu ve a, kha thlalak kha sawifiah a nih loh chuan kei leh ka chhungte tan chuan ngaih ṭha lo taka awm ai chuan BJP sangawi zawnpui nia lang hi chu hran san mai a

ṭul dawn a ni. MNF President Pu Zoramthanga piahah BJP President Amit Shah a ṭhu a, ram pum hmuh theih turin pho chhuah a ni.

Kha thlalak kha eng tika lak nge a nih? Eng subject nge an sawi? Khawi hmuna an lak nge? Eng vangin nge thawk dun lo tur na na na President ve ve an inkawm?

Thawk ho lo tur ni si engvangin nge Mizorama tualṭo party pakhat ve mai ni si, MP nei lo pawh ni mai lova MLA pawh pali lek nei kha India rama MP leh MLA ngah ber BJP lamin an ngaihven tlat ni? BJP thawhpui lo tura an insawi nasat danah hian a rukin an lo inzawm zawk tihna em ni? tih te leh zawhna tam tak rilruah a lo lut nghal vat a ni.

Keini ang duang tan hi chuan zu an zawrh vang leh Pastor te hial tham lo taka an chhuah avangin Congress hi chu thlawp ngaihna a awm lova, kohhran ngeng chhun zawngin thil ta tak an kal pui a ni. MNF hian kohhran mipuite an hip theih dawn avanga an chance a ṭhat nen, an hotupa ber an President leh hindu sakhaw behchhana party din BJP President an inkawm tlat si a, eng thu nge an sawi tih lah chu puanzarna a awm bawk si lo.

MNF President Pu Zoramthanga leh India rama BJP President Amit Shah inkawm thlalak hi sawifiah deuh a ngai a ni.

K Lalrinmawia