AMC mawh nge Traffic?

Mizoram mipuite free wifi pek min tiam vanga hriat lar hlawh Aizawl Municipal Corporation (AMC) chuan kum tam min lo hruai ve dawn ta reng mai. Aizawl khawpui daifem leh khawpui chhunga kawngpui enkawl hna hi duh ai chuan a la mumal lo viau mai.

AMC area-ah garrage nei veka insawiten car leh motor lian deuh zawk te kan nei sap sap a nia, mahse lockdown chhuanlamin duh duhnaah car kan hung a. Khawpui dai fem, Durtlang Road leh Zemabawk lam kawngpui kamah leh hmun dangah pawh Truck an ding khat deuh reng bawk a ni. Hetiang hi AMC kut niin kan lo hria a, nge Traffic ho mawh­phurhna zawk?

Truck terminal-ah ding loa kawng kama motor lian an ding fo mai hian, khawpui a tichep a, kawng kama ei zawng (street vendor) te tan an hnawksak hle bawk. Midang tana hnawksaka an awm chung hian tawlh sawn deuh tura tih pawhin an insawn duh ngai lo, traffic in manah te an han vau chang chuan an kal bo ve mai.

Traffic tan lah hna ṭhulha truck ding tur ven ngawt thu a awm lo. He thil ching feltu tur hi AMC kan nei si a, tu mawh nge ni le?

AMC awm hnu hian kn khawpui hi a felfai sawt nge a ngai reng hriat thiam a har.

Free wifi pek min tiam lah kha tang thawm ang chauh a ni ta mai a, AMC hian an mawhphurhna hi kawng tam takah an zo lo lutuk deuh niin a lang ta.

AMC hi thuneihna sang tak nei an ni chunga mipuiin AMC kan hmel hriat dan dik lo lutuk pawh hian AMC hnathawh ṭhat leh ṭhat loh a hril chiang ang a.

Sawrkar pawhin AMC kutah mawh­phurhna a pe tam lutuk a, an zo lo em ni? A bikin motor lianho an dinna tur ni loa an lo ding khat leh ṭhup mai ṭhin hian mipui vah velna a tihbuai bakah street vendor-te eizawnna a tibuai rei ta viau a ni. AMC hian engtia hmalak nge a tum, traffic kuta hlan mai chi te a ni em?

Kawng kama ei zawng (street vendor) te hi Covid tuar na ber zinga mi an nih bawk avangin, an ID leh an hmun (spot) chungchangah AMC hian thu chauh ni loin a takin hma lak sak thei se, an in zawrhna hmunah thlamuang taka ei an zawn ve theihna turin hma lak sak vat se a duhawm.

AMC hi traffic nen pawh inbe rawn se, kawng kama motor lian ding khat ṭhup mai ṭhin hi chin fel vat a ngai ta e.

Nunoi, Laizo