COVID tihdanglam Education system hi....

Ni 7.9.21 a Mizo­ram Legislative ṭhut khawmna a kan IT Minister-in online examination hlawhtling taka kalpui a nih dan leh Hmar chhak state-ah kalpui awm chhun kan nih mai theih thu a sawi kha thu lawmawm tak a nih rualin chik taka ngaihtuah zui ngai tak niin ka hria.

Ni e, duh vang reng ni lovin Covid avang zawkin kan educa­tion system chu online veka kalpuin a ngai ta hi a bikin final year te tan hian a pawi thei ang em tih kan chhut ngun a ngai khawpin ka hria. Online result hi state leh ram danga university te hian eng ang takin nge an lo ngaih ang? Online examination hi state dang hian an kalpui thei lo tak tak nge an zirlaite hmakhua an dawn avangin an kalpui duh lo zawk ni ang?

Nakin zel dawnin kan zirlai, kan ram inngahna tur ni mek teah hian nghawng ṭha lo a nei ang em?

Zirlaite hi an inang lo thei viau awm e, online a ni chung pawhin ṭhenkhat chuan an bei nasa viau thova a rinawm laiin a tam zawk chu kan mizo nun dan phung ngaihtuahin an inthlahdah hle mai lo maw?

Final year hi chu a in chhawk talin in kar hlat deuha ṭhua class lak leh examination hmachawn dan te hi awm zawk se a ṭha ang ngem le? Survey neih a nih loh chuan heng zawhna hrang hrangte hi chhan dan leh ngaihdan a inang lo viau thei awm e.

Engpawh nise kan ram min la kaihruaitu tur leh kan ram in­nghah­na la ni mai tur zirlaite hmakhua hi nasa taka rilru seng chungin i ngaihtuah teh ang u hmiang.

Douglas Lalmawikima, Tuikual S