Outdoor gym leh nuai thum

Aizawl khawpui leh khawpui dangah ṭhalaite tan insawizawina turin Outdoor Gym chu Mizoram sorkarin a buatsaih a, hei hi cheng nuai thum an semna tur tho Socio-Economic Development Policy (SEDP) kaltlanga siam a ni.

Outdoor Gym hi chu cheng nuai 60 man a ni daih thung a, Mualpuiah leh New Capital Complex-ah an dah tawh a, hmun dangah pawh dah belh zel tum a ni a, khawpui dangahte pawh an la dah zel dawn a ni.

Cheng nuai thum hi mipuiin kan nghakhlel viau mai a, hei hi chu kan dil pawh ni lovin MNF President Pu Zoramthanga min tiam kha a ni a, "NLUP dawng tawh zawng zawngte pawhin in dawng dawn," a tihna video kha Mizorama mobile phone-ah hi chuan a la awm kim deuh fur ang chu.

Cheng nuai thum sem hma hmain Outdoor Gym an lo siam thawt thawt a, hei hian mi 20 nuai thum tur a la hek phawt a ni. Gym siam hrim hrim hi chu kan duh lo pawh a ni lova kan chanpual min tiam anga min pek hma hmaa cheng nuai 60 zet senga hmun hrang hranga Outdoor Gym lo siam thluah hi kan sawisel a ni.

A pawisa ni se hmun danga mi ni lovin SEDP-a kan pawisa tho min lo zen ṭawm a ni reng bawk si.

Outdoor Gym hi an siam belh leh dawn pawhin kan nuai thum dawnna tur SEDP-a pawisa hi chu min rawn pawh hek sak tawh lo hram se, mipuite hian nuai thum hi kan nghakhlel tawh teh a nia.

Zonunsanga