Heng Chakmate hi khawi a mi zozai nge?

Hriat châka nghak­hlel ru taka ka lo thlir CADC inthlan a han zo ta a. Mizoram chhûng ni siah hian candidate 20 awmnaa candidate 19 zingah Mizo kan han awm lo ta phawt a. Pakhat pawh hi Mizo an ni chuang bawk hek lo.

Vote nei thei mi 29,444/- ngawt mai an awm ta hi thlir liam mai mai chi niin a lang lo. Ram hnùk a khawih a, hnam nun a nghawng tih kan hriat a va ngai êm! Heti zat vote nei thei an awm a nih chuan an fate tamzia hi chhut rawh!

Chakma nupa fa panga nei tling tamzia kan hria em? Heti zat vote nei thei an awm tawh si chuan Mizoramah hian Chakma nuai chuang an awm ngei ang tih hi a rinawm em em a ni. Politik ruihchilh mite vanga kan ram dinhmun derthawnzia hi!

Aizawl hi a va harh mawh em! Aizawlah ṭhuthmun remin ram in thlir a. A taka Chakma khua tam tawhzia leh LADC leh CADC huam chhûnga khaw tam berah Chakma an tam zawk takzia pawh Aizawl hian a hmu si lo. Chutih ahnekin inthlan laia Party aiawha zuk ṭhutchilhtute hmêl han hmuh hian thin a rimin lung a awi mawlh lo!

Kan ram chhûngah ngei Chakma Vibrant Nation hmanga campaign a han ni ta maite hi insawi fihlim tum chiam pawhin kan nihna thup mi a ni mawlh lo. Heti tak maia Pokitik hmanga kan ram sawp chhe zo ṭhelhtute hian an thiltih pawizia leh zahthlakzia hi hre mawlh teh se. Chhia leh ṭha hriatna chhe tê pawh an neih chuan an zak ngawih ngawih tur a ni.

Heti zat Chakma kan kawl avanga kan chanpual an han ei hek nasatzia hi i chhut ngam teh ang u. Aizawl pawh hian a takin a hmunah Chakmate hi thlir tum bawk rawh se.

Mizo mipui pawh harhin MNF tak pawh hi Mizopa din a nih angin Mizo ngam teh se! Ṭhalaite u, kan nu leh pate hian kan ram hmangaih an thiam ta lo a nih hi. Chuvangin, keini lo tuin nge kan ram hi hmangaih chuang tur awm?

- Lalremliana Pachuau