Ka thin a rim ta fu...

Health Minister hoin Covid chung changah Mizoram dinhmun an thlir ho a, AMC huam chhung leh a piah lam report chiah an tarlang a, district dang a tel lo. Aizawl dinhmun kan thlir ti mai se.

RT PCR bun turin mithiam, ZMC a an mi rinte tho kha Lungleiah an rawn tir a. RT PCR a bun theih e, an tih hnuah a theih loh e, an mamawh lo e te min tih sak leh vel a.

High Court-in thu a pek chuan a theih loh e, titute khan a theihzia min hrilhin an kawk kual leh ang lawi a. District dangah pawh bun an tum vek thu thlengin an la puang tak deuh deuh a.

Covid contract tracing, Test leh HQ chungchangah thuchhuah thar an nei a. An thu chhuah zawm turin kan truenat test kit-in a tlin leh si lo. Truenat/Rt pcr a test tur kha Ragt hmangin endik an ni zel zawk a. Hetianga an tih hian high risk ho nunna an risk a ni. Engnge kan hmuh tak mek hi le? DCHC pukpui pawh pan hman loin nunna kan chan ta fo a nih hi mawle!

Tun hnaia Lungleiin Covid natna vanga mitthi kan neih hi enkawlna ṭha dawng hman lo an ni. An chhungte rilru natzia hi an hrethiam dawn teuh si lo a. Kan sorkar min enkawl danah hian Chhim mipuite hi lungawi tak i maw?

- Laltuaitea Khiangte