ACCUWEATHER-IN KHAWBUNG A TI TA DEUH DEUH

Kan hruaitute berin dawt an sawi fo takah chuan midangte pawhin dawt sawi hi kan pawisa lo tlang viau ta hi a ni a. Ram dang aṭanga lo kalten an rama dawt an sawi fo loh leh corruption thil an tih ngai lem loh pawh hetah chuan ngampa taka an rawn ti ta ṭhin hi huatthlala kan tih thu kan sawi tawh ṭhin.

Accuweather lehzel pawhina ni a sat reng lai pawha Cloudy min tih khum fo ṭhin thu te pawh kan sawi tawh ṭhin.

Hmanni ni chhuah hlim aṭanga ni a sa ṭha viau chung khan Accuweather chuan Cloudy tih mai pawh duh tawk lovin dar 10:00 thleng khan THUNDERSTORM a ti a nih chu!

Zonet Interview-a kan pu ber thusawi kha INSPIRATION-ah a neih a ni thei ang.

Ani thusawi kha ka lo hriat chhawn ve dan chuan, Independence hmu lova an lo haw chhan zawhna chu hetiang hian a chhang a ni: “Mosian Pharoa thiltihtheihna leh hausakna hmang thiamin Israel fate kha Kanaan lam panin a hruai chhuak a. Keini pawhin India ram hausakna leh thiltihtheihnate hmangin khawvel ram tinah Chanchin Ṭha kan hril ang a. Chutih hunah chuan Pathianin Independence mi pe dawn a ni.”

Hetiang thu hi kum 1998-a a sawi daih tawh kha a ni a. Khang laite kha chuan vote zawn nana ka tih mai mai alawm a ti nge - Tuna mi hi chu ka Phuahchawp a ti leh mai dawn?

Hei bak chu COMEDIAN SEARCH te chhunzawm atan ka dah tawh mai ang e.

E, ni leh lo ve, hetiang thu hi a sawi fo tawh loh nan Pathian anpui ni-a zahawmna nei intite zawng zawng chuan Pu Hriata Chhangte hovin i Hual chep tawh mai ang u.

- M. Lalmanzuala