RTI HMANGA HEALTH CARE CHUNGCHANG LEH COVID-19 RAT TESTING KIT CHUNGCHANGA KA ZAWHNA MIN CHHANG TAWH E

7th October, 2021

September ni 24, 2021 a, RTI hmanga Health Care chungchang leh RAgT test kit chungchanga ka zawhnate chu 30th September, 2021 khan chhanna ka hmu ta a. ICMR-in Unicef aṭanga an dawn RTPCR Champhai Hospital tana an pek hi hman tumna leh bawhzuina a awm em? tia ka zawhna chhanna a awm lo tih loh chu! A dang zawng ṭha taka min chhan avangin thawktute chungah lawmthu ka sawi e.

Ka RTI zawhna chhanna hre chak mi tam tak an awm tih ka hria a, lawmawm ka ti. Hetiang hi min chhanna chu a ni e.

1. Health care hnuaia damlo inenkawlna bill pek loh pawisa engzat nge awm?

Chhanna: Ni 24.9.2021 thlenga Health Care hnuaia damlo inenkawlna bill la pek loh zat chu, Rs. 39,65,97,919 (Vaibelchhe sawmthum pakua, nuai sawmruk panga, singkua sangsarih zakua sawmpakua) a ni e.

2. Health care hnuaia damlo inenkawlna bill lut tawh zingah kumin 2021 eng thla thleng nge pek ni tawh?

Chhanna: Health care hnuaia damlo inenkawlna bill lut tawh aṭanga ni 24.9.2021 thlenga la pek loh te chu a hnuai table-ah thla biin tarlan a ni e.

* Oct. 2020 Bill lut zat - 409 Bill pek amount 75,80,985/- Bill pek loh awm lo.

* Nov. 2020 Bill lut zat-2208 Bill pek amount 4,94,98,473/- Bill la pek loh 8, amount 301,538/-

* Dec. 2020 Bill lut zat-2148 Bill pek amount 5,21,27,610/- Bill la pek loh 14, amount 3,66,608/-

* Jan. 2021 Bill lut zat-2612 Bill pek amount 6,60,93,241/- Bill la pek loh 40, amount 11,34.200/-

* Feb. 2021 Bill lut zat-2332 Bill pek amount 6,47,65,837/- Bill la pek loh 271, amount 56,82,188/-

* Mar. 2021 Bill lut zat-488 Bill pek amount 1,66,13,127/- Bill la pek loh 2910, amount 7,85,71,588/- (Hei hi ka hrethiam chiah lo. Tihsual palh a ni maithei..vnt)

* Apr. 2021 Bill lut zat-2973 Bill pek ala awm lo, bill pek loh amount 7,95,05,282/

* May. 2021 Bill lut zat-1966 Bill pek ala awm lo, bill pek loh amount 5,77,39,586/-

* Jun. 2021 Bill lut zat-1696 Bill pek ala awm lo, bill pek loh amount 5,31,21,668/-

* Jul. 2021 Bill lut zat-1589 Bill pek ala awm lo, bill pek loh amount 4,57,94,302/-

* Aug. 2021 Bill lut zat-1951 Bill pek ala awm lo, bill pek loh amount 5,26,50,435/-

* Sep. 2021 Bill lut zat-877 Bill pek ala awm lo, bill pek loh amount 2,17,30,524/-

A pumpuia bill pek chhuah tawh amount belhkhawm - 25,66,79,273/- Bill la pek loh amount - 39,65,97,919/-

Note : Bill hi seniority-a pek chhuah anni. November-January 2020 bill tang la awm chhan chu document kim lo leh felhlel deuhte dil belh, chhui chian vangin pek khawtlai a ni.

3. Health care hnuaia damlo inenkawlna bill inhnawhkhawm tam lutuk hi engvang nge?

Chhanna : Bill pek chhuah chak tawk loh vang.

4. Pawisa awm reng siin Finance lamin sanction an pe chhuak har ṭhin nia sawi hi a dik em?

Chhanna: He zawhna hi chu Finance Department lam chhan awm a ni e. (Finance Deptt. lamah hei hi zawhfiah leh kan la tum ang. vnt)

Covid-19 RAgT test kit chungchang zawhna leh deptt. lamin an chhanna:

5. Mizoram sorkar hnuaia Covid-19 RAgT testing kit hi mimalin an supply em? Hemi supply tur hian open tender chhuah a ni em? Engti anga supply hna hi pek nge a nih?

Chhanna: Mizoram sorkar hnuaia Covid-19 RAgT kit hi manufacturing company, SD Biocensor, Gurugram, Haryana te hnen aṭanga lei a ni a. Mimal aṭanga lei a awm lo.

Kum 2020-21 chhunga RAgT lei te hi Restricted tender leh Rate adoption (DAPSB recommendation) hmanga lei a ni a. Kum 2021-22(till September, 2021) chhunga lei te hi Open Tender (Rate Contract) hmanga lei a ni.

6. Mizoram sorkar hnuaia Covid-19 RAgT testing kit hi mimalin an supply a nih chuan tute nge supply?

Chhanna : Mizoram sorkar hnuaia Covid-19 RAgT testing kit hi mimal supply a awm lo a ni.

7. Mizoram sorkar hnuaia Covid 19 RAgT testing kit supply tute hian engzat rate-in nge an supply?

Chhanna: Mizoram sorkar hnuaia Covid-19 RAgT Testing Kit supply tute hian kum 2021-2021 chhungin Rs 459.20/test kit leh Rs 168/test kit in an supply a. Kum 2021-2021(till September, 2021) chhungin Rs 100.80/test kit leh Rs 65/test kit te in an supply a ni. Rate hi company lam aṭanga a danglam ang zelin Government Approval hmanga lei a ni.

8. Mizoram sorkar hnuaia Covid 19 RAgT testing kit supply tute hian engzat nge Mizoram Health Department hnuaiah an supply tawh? Cheng engzat man nge an supply tawh?

Chhanna: Mizoram sorkar hnuaia Covid-19 RAgT Testing Kit supply tute hian Covid-19 RAgT testing kid hi 7,48,605 nos an supply tawh a, Rs. 95,332,819/- man a ni.

9. Mizoram sorkar hnuaia Covid 19 RAgT testing kit supply tute hian bill engzat nge an lak tawh? Bill pending a awm em?

Chhanna: Mizoram sorkar hnuaia Covid-19 RAgT Testing Kit supply tute hian Rs. 59,978,912/- an la tawh a, Rs. 35,35,907/- pending a awm. (Pending hi Rs. 35,353,907/- tur ni awm zawk tak a ni. Typing mistake a nih ka ring. vnt)

10. ICMR in Unicef aṭanga an dawn RTPCR Champhai Hospital tana an pek hi hman tumna leh bawhzuina a awm em?

= He ka zawhna hi min chhang lova, min chhan loh chhan sawi lan a ni lo.

- Vanneihthanga