Ram politics ṭha leh ṭha lo mipuiten i hria ang u

Politics-in a tum chu ram rorelna ṭha, ram mipuite, dan ṭha tak hnuaia zalen leh hlim taka khawsakhona te, sakhua, ram leh hnam himna te, hmasawnna kawng hrang hranga ṭhang duang taka hmasawnna hi a tum a ni. Chuti ni siin, politics hi ṭha lo takin, mahni hmasialna zawnga kalpui hi kan ramah chuan a l^r hle a nih hi.

Mizoram politics hi mahni hmasialna rilru pu r^na politics kheltute hian min tichhe nasa ta hle mai. Hotuten mahni hmasialna rilru pu r^na politics an khel phawt chuan, thlan tlin dangte pawhin mipui aiawhtu rilru pu lovin, mahni party mal aiawhtu b$kah inngaiin, chumi rilru pu chuan hna an thawk tlat ṭhin. Party mal hamṭhatna tura sawrkarna kalpui te kawng hi kan chhui zel chuan, mahni hma sialna, anmahni hausakpuina tur kawng zawnna a ni ngei ngei ṭhin.

Mizoram kum 30 zet state puitling kan lo nih tawh chhung hian India rama Chief Minister ṭha, Modia te, Nitish Kumara te, Manik Sarkar-a te, Patnaik-a te ang, mahni hmasialna lam hawi lova, ram mipuite hmasawnna atana thawk rim ngar ngartute ang hian min hruai se, India ram state changkang tak niin, hmasawnna step eng emawzatnaah kan chuangkai ve tawh ngei ang le!

Mahse, hetih chhung zawnga kan CM-te hi hausa em ema ngaih an ni tlat si a. Kan C.M-te berin an C.M-na an hausakpui tawh si chuan, an ui kaih, an hnung zui ngei ngeitu thil ṭha lo a tam em em ṭhin. Mipuite chu keimahnia changkanna kawng zawh mai thei kan ni lo, ram hruaituten hma an hruai a ngai.

Ram hmasawnna kawnga thui tak kal tawhna tur hun ṭha kum 30 zet kan hman ral t^k hi India ram state rethei ber leh a mawngphah lam pan nan kan hmang a lo ni der a. Lalua’n Bihar chu state rethei leh hmuhsitawmah a siam ang chiah kan ni lo maw?

Bihar state mipui tam tak khuan Lalua chu mi sualah an ngai hlei nem, mi rethei tam berte hmuiah chithlum t^tin a tilawm em em an ti. A corrupt-na thubuai avanga CM a nih theih tak lohah pawh khan a nupui, mahni hming sign zirtir chawp ngai pawh a aiawhtu CM-ah an la pawm duh asin. Mahse, an ram hmuhsitawma siamtu a ni si.

Mahse CM ṭha Nitish Kumara’n a hruai t^kah hi chuan, hm^ s^wna an k^n zawt zawt t^k avangin mipui an ṭhangharh tawh a ni. Keini pawhin ram hruaitu ṭha lote thiltih phung, mipuite hmuia chithlum t^ta pawnl^ng taka mi tam tak tihl^wm nan eichawp leh hman chawp lama mi hruai chingte hi, rah tlan sava tan, tawktarh $tawm leh buk apiang a hlauhawm ang hian a hlauhawm ve a ni; tawktarh $tawm tak bulah chuan thangvalh hlauhawm tak a awm ṭhin avangin. Rah tlan sava, tawktarh buk leh $tawm pantute chan chu a chhe hle ṭhin ang mai hian, Mizoram kuthnathawktute pawh hmasawn thei lovin kan bet reng mai a nih hi.

Tunah hi chuan Mizoram hian mahni thawh rah ngei hlim taka seng a, ph<r taka hna thawka, a kum at>la hmasawnna step s^ng z^wka min hlangkai theitu tur hruaitu thar leh kalphung thar kan mamawh ta a ni.

Thufing pakhat chuan, “A ṭha lam kawng a chho va, a chhe lam kawng a phei,”a ti a nih kha. Kan ram politician-te min hruai m>kna kawng, pawisa ch^rsa leh therhlo dang chawchah $tawm taka hmang z^wng leh, ram hruaitu nih tumna lama rinawmna hloh khawpa pawisa chakna hmanga vote zawngte hi chu an lo tling a nih pawhin roreltu rinawm lo tak leh ram tana chhenfakawm lo tak an ni zel ṭhin. Tun hnuah pawh, mahni tana bei ngar ngarte kalphung a la ni zel a ni. Zoram hi hmasawnna kawnga min phur chhuak zo lote kutah i tlu lut tawh lo hram ang u, ram hmasawnna kawng a ni mawlh lo ve.

Bihar CM pakhatin an state chu state dangte aia rethei leh mi hmuhsita a siam dan kawng (system) dik tak kha a ni si a. Kan ram hi kan tu leh fate rochun tlak, ram ṭha leh hmasawna siam turin tun dinhmuna ding m>k nang leh kei hi ram leh hnam tan rinawm taka kan din a pawimawh a ni.

He ka thu ziak hi MLA nih tum tu pawhin in lo chhiar a nih chuan, i beih dan kawng tinah “Lalpa duhzawng engnge ni,” tih ngaihtuah leh zawm tum r^na thil ti turin kan ngen a che u. Kan Pathian Thu chuan, “...kut fai leh thinlung thianghlim nei a, A rilru engmah lo mai mai lama dah ngai lo va, bum tuma chhechham ngai lo mi chu. Ani chuan Lalpa hnen ata malsawmna a dawng ang a, a Chhandamtu Pathian hnen ata felna a dawng bawk ang,” a tih kha.

Kumina inthlanna lo awm turah hian, Pathian malsawmna dawnga lehkha thiam leh Zoram tihhmasawnna atana talent dawng ṭhate chu kan Pathian hmingin Zoram tan MLA ni turin rawn inpe ula. Chanchin Ṭha puang tur leh tung ding tura rawn inpe zel tur pawhin kan ngen a che u. Zoram chhan chhuah a ngai ta e.

- Rev. Darchungnunga