Kawngpui ṭha

Kum 2000 kumah Central Sawrkar chuan India rama thingtlang khua zawng zawng motor kawngpuia chhun tlangtir vekna tur ruahmanna PMGSY programme a rua­hman a. He ruahmanna ang hi chuan kum 2003 ah mipui 1000 chin chenna khua zawng zawngah motor lian luhtir vek tur a ni a, mipui 500 chin chenna khuate chu kum 2007 ral hmain luh kim tir tur a ni.

India hmarchhak state leh Sikkim, Jammu & Kashmir leh Uttaranchal bakah thlaler hmun zualpui a chengte chu mipui 250 chenna khuaah tawh phawt chuan motor lian luhtir t<r a ni. He kawngpui sialna sum hi central aṭanga a bik liau liau a pek a ni a, state tum tur a awm ve lo. India hmarchhaka awm kan nih av^ngin Mizoramah hian mipui 250 chenna khua tawh phawt chu, kan khuaa motor luh theih ngei ngeina tur sum, India sawrkar laipuia kan nu leh pa, milem be chunga min hmangaih >m >mtute khuan min ruahmansak ṭheuh tihna a nih chu. Tun hnaia Union Minister lo kalin Mizoramah PMGSY road sum hman dik loh awm anga a sawi pawh kha hemi chungch^ng thu hi a nih a rinawm, India ram pum puiah bawhzui nghal a nih avangin.

Ka chhuahsan aṭanga kum sarih ral hnuah Arunachal ram ka han kal leh chu ka phu deuh zawk mai. Assam rama Sonitpur District, Gohpur aṭanga Itanagar luh theihna, kan awm laia kawng a tet avang leh a chhengchhiat deuh av^nga kan kal peih mang lohnaah ngei mai khan motor lian a ruala pali tlan theihna (four lane) in kawng a lo tlang zuih tawh mai.

Shillong aṭanga Guwahati te, Guwahati aṭanga Tejpur Road te chu lehlam lehlama thlur hnih ve ve tlanin, a lane inkar chu thing leh pangparte a chei mawi an lo ni tawh. Arunachal luh pheina lam pawh thlur lia tlanna t<r hian an lo ruahman nasa mai a, v<ng an lo chhuah nasa ngiang mai.

Keimah ngei pawh Koh­hranin min pek Maruti 800 n>na ka lo tl^n ve fo tawhna Aalo leh Pasighat inkar pawh thl<r hnih kawngpui nuam >m >min an lo sial zui tawh mai. Aalo luh dawn kilometer tlemt> chauh an b^k tawh.

Shillong aṭanga Silchar pawh a ṭha narawh e, Shillong aṭanga zing chhuakin Vairengte Dar 11 zet zawtah thlengin, kan ramah ngei mai zingchaw kan rawn ei chho hman tawh alawm! Chuta ṭanga Aizawl l<t tura kan thang chin erawh chu a rei ta deuh mai pawh a!

Tunhmaa a kara riak chung pawha ni tla vanvuaia kan tlanna ṭhin, Aalo leh Shillong ink^r kilometer 900 zet mai hi tun ṭum chu nikhatah kan ban hman thuak mai. Shillong kan thlen hian zan dar 12 a pel fel zet chauh a ni. Hemi han ngaihtuah hian, kan ramah hian kawngpui ṭha nei ta ila chuan, a hla ber Saiha pawh hi lehlanga zin theih a ni d^wn tihna a ni a. Aizawl

aṭanga Champhai te, Aizawl aṭanga Saiha te, Aizawl aṭanga hmar lam kawng leh khawthlang lam kawngte hi a ruala motor pali tl^n theihna, thl<r li kawng han ni ve hlawm sela a va nuam dawn tak em.

Kawng dung tluanin Agricul­ture link road han peng sung mai sela, Mizo mipui tl>mte hi nuamsa takin a awm theih hmel ngawt mai. Huan lo rama hnathawk reng reng hian Sawrkar hnathawk t<r hi tlawmngai turin kan ins^wm zawk a ngai hialin a rinawm rum rum mai.

Kawngpui ṭha kan neih theihna t<ra vai ram lama kan nu leh pa, min hmangaihtute ruahmanna tal hi chu hlawhtling thei se thil duhawm tak a ni. Keimahniin kawngpui siamna tur sum kan dah thei lo a nih pawhin mi dah sa tal hi chu kan kutah hian him hr^m hr^m sela, a thawh tur ang tak hi thawk thei sela thil duhawm tak a ni.

Kawngpui kan neih ṭhat chuan thingtlang lo neitute thlai tharte pawh tharl^m deuhin khawpuiah a lo thleng thei ang a. Inthlan d^wn apianga Politician hovin kamchhe tleuh n^na an hman ṭhin thingtlang lo neitute’n an thlai tharte man man zawkin an hralh theih ve tak tak tawh d^wn a ni. Kawngpui ṭha hi hmasawnna hn^r pawimawh ber pakhat a ni.

- Rev. Jh. Za Hluna