A naupang ber beih rawn

Mizo danah chuan a naupang ber beih rawn hi thil thiang lo anga ngaih a nih pawhin a naupang berin aia ute an cho ar ar chuan an beih rawn mai loh nakah, tiin tunlai Mizoram politics dinhmun hi kan thlir thei ang.

ZPM hi political party naupang ber a ni a, a aia upa Congress leh MNF a rawn cho a, kawng tam takah chuan a khum ṭan tawh a, upa zawk ṭang rualin an beih rawn a nih pawhin an cho chhuah a ni ve tlat.

Tuirial Bial inthlan ṭhat lo awm tur boruak en hian ZPM tlin hi Congress leh MNF tán hian thil hlauhawm em em a ni. ZPM an tlin vaih chuan AMC lam boruak an neih ṭhat hnuah Serchhip lamah an vung leh ta si a, Tuirial ah an tlin vaih chuan 2023 sorkar thar tur awm in an awm thei thawthang tawh dâwn a, chu chu midang tán thil huphurhawm tak a ni tlat.

Congress tán mawlh mai ZPM tlin hi a hlauhawm zual, ṭhu ziak thenkhata "Opposition Party lian" ber tia ZPM an han in chhal maite hi Congress pa tán chuan tawrh a har dâwn a ni. Congress aiin ZPM in MLA an neih tam zawk miau avangin Opposition Party lian ber an in tih dan hi a diklohna a awm bîk hek lo, hei hi Congress tán chuan Tuirial Biala ZPM tlin aia MNF tlin an duh chhan a ni.

MNF hi Ruling awm tawh zawnga By-Election a chak lo hmasa ber Serchhip ah khan an ni tawh a, Tuirial ah an chak loh leh phei chuan SEDP 100%-a nuai 3 sem full ṭhak ṭhak pawhin 2023 inthlan a tlin a huphurhawm lam a ni tawh ang a, Traffic jam awm lohna State Capital kawng chhawng a kan tlana nuai 3 kan dâwn bawk erawh chuan Aizawl bial hi an la hui thei tho ang.

Naupang huang­tau leh zak lo, aia upa cho ar ar ZPM hi beih rawn loh chi an ni lo.

- Vanlalsanga (VLA), Ramhlun North