BIAL NGAI
Tak tak ni maw, ka hre ve chiah hlei law! Mimal taka huatthu-a la an awm >m lo’ng chu maw! Mi sawi ka hriat dan chuan - Pu J.Thanghuama khan inthlan dawna a campaign-na lamah khan lehkha them a thlauh ru ṭhin a. Chutah chuan ‘J.Thanghuama zawng tuma’n thlang duh suh u. Zoram a hmangaih r>ng r>ng lo. A bialte chauh a nia a hmangaih ni!’ tih hi a inziak a ni awm e.
Ani kha a bial ngaia a din leh pawhin a tling deuh reng mai a; a ch^ng phei chuan a bial him siam kha mi dang kian turin an ng>n hial zawk ṭhin ni-a sawi a ni. Chuti chung chuan a bial tharah pawh zuk tling leh mai ṭhina mawle! Eng vang nge ni ang? A bialte a hmangaihin a ngaihsak a, a bial mipuite khan an duh ngang a, an thlang leh lo thei lo a ni mai lo’m ni? Kan MLA dangho ve hi le…!
Tun (2018)-a kan MLA-te kan thlan dawn khan Pu Lal Thanh^wla khan ‘Bial ngaia ding ngam lo chu din loh mai tur’ ti lam khan a sawiin ka hria a. A sawitu emaw, a sawitu party emaw ka fak vang ni loin, kha thu kha a ṭha ka tih vangin Vanglaini-ah pawh ka sawi nual ta-in ka inhria.
Tun kum (2018)-a inthlan leh turah hian eng angin nge Pu Lal Thanh^wla hian thu a chh^k chhuah leh ang ^w….! Mahni bial ngaia ding ngam si lo, in-candidate la chuh ve tlat si an awm ang em? An bial ngai mipuite pawhin an duh tawh loh hi bial dang mipuite hi, anmahni thlang tling khawpin kan la ^ fo ang em?
MLA r>ng r>ng hian an bialte an ngaihsak a, an hmangaih phawt chuan, party lam pawh a ni lo! MLA Fund an nei vek tawh a, an bialte tana chumi hman chu an dikna, an pual, tuma chhuhsak theih loh a ni.
An bialte an ngaihsak a, an hmangaih phawt chuan bial dang zawn ruai a ngai dawn em ni? ‘Hotute thu a ni a, awih lo thei ka ni hlei nem’ ti-a insawi thiam chu a nuam viau ta ve ang. Chuti a nih pawhin an bial ngaite khan an duhin, an hotute hnenah chuan anmahni rawn bial leh tura an ngen mai a rinawm lo maw?
A bial hmasa mipui rilru hria a, an duh tawh loh vanga ding ngam ta lo a nih hre ve vek a, bial hmangaih lo ni-a ngai a, an bial thar mipuiin an thlan tlin leh duh si loh phei chuan ^w…!
Sailothangi Sailo hla hi i’n chhiar mai mai teh ang…
Tl^ngr>l thang pawh d^wn zo lo kh^nin,
‘I hlim nan’ tiin ka inpump>k;
Mahse i lairil r>ng ka lod^wn lo,
I tum, suihlung min hersan mai hi.
A pawi >m mai, a pawi >m mai,
Biahthudî dam te’n min hlan lai khan;
I thinlai lungr<k si lo kha,
Engtin i lohlan thiam z^wk mai le!?
MLA zawng zawng leh MLA nih tumte u, bial ngaia ding leh ngam ṭheuh turin ṭan han la tl^ng teh ule!
- C.Biakzuala