Hnam Run kawt parking leh Party conference

Aizawla lirthei parking duhdahna ber leh traffic dan an zawm ṭhat lohna ber chu Political party-te inhmukhawm hi an ni a, MNF office Mizo Hnam Run kawtah hian parking hi an duh duh danin an kalpui thei bik nge traffic lam hian an man ngam lo ka hre lova, political party conference leh inhmuhkhawm nikhua hian party tin hian parking hi an ngai pawimawh ngai lo.

Hnam Runah hian puipun hi a tam em em a, inthlan kum a nih vangin an la pungkhawm zel ang tih a hriat sa a, an lirthei parking hi A8izawl Traffic Police-te hian lo endik deuh teh se. An office kawt verandah-a leng lo hi kawngpuiah an dah lawr ṭhin a, hmun dangah lem lirthei parking are pawn hi an man nghal zung zung ṭhin a, chutah Assam Rifles awmna hnaih lamah mumal lo takin lirthei an la park ṭhin bawk. Political party pungkhawm pawh ni se dan bawhchhia chu man zel tur a ni.

Congress pawh an ni thova, Bhawan kawt kawng­pui chhuk thlaah sawn mu­mal lo takin lirthei an dah fova, ruling pawh ni raw sek sek parking area pawna park an awm chuan man tur an ni. Vanapa Hall hi political party lam hian an hmang uar a, kuminah pawh an hman leh hmel a, lirthei tlan tibuai kher lo hian hmang ve tawh se.

Mipui pungkhawm an tam dawn chuan Mualpuiah Hall lian a awm tawh a, vantlang zah lo taka political party an pungkhawm ṭhin hi chu a ninawm ngawt a ni.

- Lalremtluanga (Matluanga)