Ka nin deuh chu Two Wheeler mi tlan pel ching hi

Tunlai chu Aizawl khaw­puiah traffic jam zualpui kha a reh ta deuh duak a, motor intlan chhawk hi chuan awmzia a nei tih a chiang mai a, mahse heti chung hian traffic jam erawh a la reh lo nasa mai a, hemi karah hian two wheeler pawh kan ding inzawm duah ṭhin a ni.

Mizo pangngai chuan traffic jam-ah mi a tlan pel zut zut duh tura ka ngaih loh nen, Aizawlah Two wheeler zingah traffic jam laia an hmaa two wheeler dang traffic jam avanga dingte tlan pelh ching an tam ta riau mai. Hei hi mi zawng zawngin an thiam em em a ni a, an hawihhawm vangin an ti duh lo mai a ni.

Two wheeler khalhtute hian kan zavai mai hian kan hmaa two wheeler hi tlan pelh tum ta ila, Vairam ang chauhin traffic a buai nuai nuai ang a, kan traffic nun mawi hi kan hloh dawn a ni. Chuvangin, Aizawl Traffic Police SP thar hian two wheeler traffic jam-a mi dang tlan pelh ching (double over take) hi chu man hmiah hmiah se, kar khat an man chuan a reh duak mai ang.

Two wheeler khalhtu polite deuhte hian two wheeler khalhtu polite lo leh traffic jam-a in line ve duh lote hi kan ning a, line-a ding ve duh lova midang tlan pelh ching hi chu man hmiah hmiah mai tur.

- Lalrammuana