Zu zuar an man duh lo, Zu leitu chiah an man
Hman ni Vanglaini editorial kha rei tak ka lo vei ruk em em tawh ni si thil awm lo ang maia kan thlir liam mai mai kha a rawn lang ta a, Rangvamual chhehvel ruihhlo hmun pui atana zuah tawp chunga zu khap bur nia pharisai taka kan sorkar a in pho lang hi chu a khamawm in a demawm takzet a, zu hi kan khap a nih chuan a zuar te tan man zawk tur a ni a, tun ah hi chuan a zuar te an zalen laiin zu leitu te kut aṭangin an man zawk a ni.
Keini Hunthar Veng lamin kan hmuh chian em em leh kan nin em em chu tlai tin mai ni lova zing var ṭian aṭanga zu la tur rawn chhuk thla hum hum hi a ni a, chu mi te chuan rangvamual leh a chhehvelah hian zu an zuk lei ṭhin a ni. Zu na zuk lei theih chhan chu zu an zawrh vang a ni. Chu chu Mizoram sorkar zu khap bur duh nia in sawi ṭhin hian a hre vek a ni. Rangvamual ah chuan an zuk duty ṭha duh tak tak lova, Aizawla kan Mizo ṭhalai rual zu in lo thei lo ten an pawisa neih ang angin an zuk lei a, a hmuna in an duh loh chuan an ken hawn a ngai a ni. Chu zu an lei sa an ken haw chu Rangvamual pelh chhoh Vaivakawn area ah hian an lo man sak ṭhin a ni.
Zu hi kan man dawn a nih chuan miin harsa taka an lei sa hi chu man tawh suh se. Zu hmun pui a awm renga chu chu zuk man mai rawh se. Khawnge 2018 MNF sorkar zawh hlim a Rangvamual lama chhuk hum hum sorkar hruaitu lian te kha an awm tak le? Minister pakhat programme kha Minister dangin an zuk ṭawiawm a, zu an huat em em kha, kan Mizo ṭhalai kuta zu man lovin khu laia dan lova zu sak beih pui thlak tute kut aṭang khuan zuk man ang hmiang.
Assam (Silchar/Cachar) aṭanga motor lian lo lut engzatah hian nge zu hi a case liana lo lut pawh sawi ngam a ni lo. Aizawl ah hian veng tam takah hian a sen chi regular taka lei na hi a tam. Pawisa i neih chuan eng brand pawh phone aṭangin i lei thei. Home delivery an ti zar zar thei. Chu chu ti tawp thei si lova kan ṭhalai te rangvamual aṭanga zu lei sa chiah man tum sorkar hian a zu do dan hi a ennawn loh chuan khu laia zu lei tawh sa check khu ti tawp rawh se.
- LR Hnamte, Hunthar