'Ka Pu, NDA-ah rinawm takin kan awm'

Kan Chief Minister zahawm takin Chief Secretary atana Mizo ngei a duh thu huaisen leh ngen ngawl taka Home Minister Amit Shah bula a thawn kha in lo hmu ve ang a, a lawmawm rual rualin a mualpho thlakna pawh a tam em em a ni.

Kan CM-in BJP hotu zinga mi Amit Shah hnenah BJP hnuaia mi (NDA) rinawm taka an nih dan a rawn sawi te, duhsak an phu thu a rawn sawi dan te, Congress lamin an nuih zat mai a hlauh thu a sawi hial kha a khaikhawmna atan chuan BJP lamah an ṭang tih a rawn pho lang a ni.

Chief Minister lehkhathawn kha thiam ang angin point pangain han la chhuak ve ta ila, (1) Mizo mipuiin Hindi an thiam loh thu a sawi ruala 'None of my Cabinet Minister understand Hindi' a tih hi thu dik a ni thei a. India union hnuaia awm duh tho si, Hindi Zirtirtu dil chhuak thei nih in sawi theih pui tho si, Hindi ṭawng chawi sana Hindu rama India siam tumtu BJP thawh pui chung sia Hindi thiam loh thu sawi hi a inhmeh lo a ni.

(2) India ram hmun dangah a ram leilung fate ṭawng thiam lo hi CS atan dah a la ni ngai lo tih lehkhaa a ziah hian Pu Lalthara, Pu Lalhuma te Nagaland CS an ni tawh tih kan hre tlang a. Chu bakah chuan an hnam mi kher hi CS atan an dah lem lo a ni.

(3) "I am the only one in the whole North East States, which have been a faithful partner of NDA from the beginning upto this time, I therefire believe that I deserve a special favour and consideration for this faithful friendship with NDA" tih a ziak a, hei hian MNF leh BJP thawh dun rei tawh dan leh NMF chu BJP din NDA-ah a tir aṭangin rinawm takin an awm ngar ngar a, chuvangin duhsak an phu tih a ziahna a ni.

(4) Congress hun lai pawhin an duh zawng mi Chief Secreraty atan pek an ni tho a, MNF hun laia an duh ang mi CS atan pek an nih loh chuan Congress leh party dangin an nuih zat tur thu a sawi hian kan CM hian a dinna huaisen takin a puang a ni ve leh daih thei a, ngenngawl takin NDA-ah CS tur a dil tihna a ni.

(5) Lehkha aṭang hian kan state sorkar hian CS atana an duh loh zawk pek an nih thu a lang a, Lok Sabha inthlana an intiamna zuka CAB meuh pawh NDA vang liau liaua thlawp leh si an nih angin NDA hi chuan MNF hi rawn duat let vein an CS duh tak pek hi chu a batin an ba zawk a ni.

- LalremruataKan Chief Minister zahawm takin Chief Secretary atana Mizo ngei a duh thu huaisen leh ngen ngawl taka Home Minister Amit Shah bula a thawn kha in lo hmu ve ang a, a lawmawm rual rualin a mualpho thlakna pawh a tam em em a ni.
Kan CM-in BJP hotu zinga mi Amit Shah hnenah BJP hnuaia mi (NDA) rinawm taka an nih dan a rawn sawi te, duhsak an phu thu a rawn sawi dan te, Congress lamin an nuih zat mai a hlauh thu a sawi hial kha a khaikhawmna atan chuan BJP lamah an ṭang tih a rawn pho lang a ni.
Chief Minister lehkhathawn kha thiam ang angin point pangain han la chhuak ve ta ila, (1) Mizo mipuiin Hindi an thiam loh thu a sawi ruala 'None of my Cabinet Minister understand Hindi' a tih hi thu dik a ni thei a. India union hnuaia awm duh tho si, Hindi Zirtirtu dil chhuak thei nih in sawi theih pui tho si, Hindi ṭawng chawi sana Hindu rama India siam tumtu BJP thawh pui chung sia Hindi thiam loh thu sawi hi a inhmeh lo a ni.
(2) India ram hmun dangah a ram leilung fate ṭawng thiam lo hi CS atan dah a la ni ngai lo tih lehkhaa a ziah hian Pu Lalthara, Pu Lalhuma te Nagaland CS an ni tawh tih kan hre tlang a. Chu bakah chuan an hnam mi kher hi CS atan an dah lem lo a ni.
(3) "I am the only one in the whole North East States, which have been a faithful partner of NDA from the beginning upto this time, I therefire believe that I deserve a special favour and consideration for this faithful friendship with NDA" tih a ziak a, hei hian MNF leh BJP thawh dun rei tawh dan leh NMF chu BJP din NDA-ah a tir aṭangin rinawm takin an awm ngar ngar a, chuvangin duhsak an phu tih a ziahna a ni.
(4) Congress hun lai pawhin an duh zawng mi Chief Secreraty atan pek an ni tho a, MNF hun laia an duh ang mi CS atan pek an nih loh chuan Congress leh party dangin an nuih zat tur thu a sawi hian kan CM hian a dinna huaisen takin a puang a ni ve leh daih thei a, ngenngawl takin NDA-ah CS tur a dil tihna a ni.
(5) Lehkha aṭang hian kan state sorkar hian CS atana an duh loh zawk pek an nih thu a lang a, Lok Sabha inthlana an intiamna zuka CAB meuh pawh NDA vang liau liaua thlawp leh si an nih angin NDA hi chuan MNF hi rawn duat let vein an CS duh tak pek hi chu a batin an ba zawk a ni.

- Lalremruata