MIZO NGEI CS ATAN

1. CS-in Mizo ṭawng thiam se kan tih chuan enga ti nge official languagea Mizo ṭawng kan hman duh si lohva, keimahni 'ngei' pawhin file-ah sapṭawng vek kan hman?

2. Kan minister-te zingah sapṭawng thiam an awm loh chuan file an khawih ve ngai lo tihna em ni?

3. Separate Cadre kan neih chuan kum tin 50% hnamdang kan neih a ngai tih kan hria em?

4. Mizo tling kan awm loh chuan 100% hnamdang kan nei ṭhin dawn tih kan hria em?

5. Thil pawimawh inchuh chuan chawmhlawm a awm ai chuan, chawmhlawmtu chu a chak zawk fo ṭhin tih hriat a ṭha.

6. Tuna IAS hnam­dang, DC pawh lo ni tawh te kha, kan Mizo pui te aia hnathawk ṭha an ni nual ang. Kannan Gopinathan, Muthama, Arun T, Bupen leh Ashish Kundra te. Revd Chuauṭhuama pawhin an chanchin Vanglaini ah a rawn ziah te pawh an awm kha. Transfer pawh sut leh tura ngen te pawh an awm kha.

7. Tuna Mizo IAS officer 2/3 te hi kum 1/2 chhungin an retire dawn. Kum 10 chhung gap a awm dawn tho a, chu mi chhung chuan eng tin nge kan tih dawn?

8. India In­dependent khan hrang hrang Lalropui tak tak te kha, Saldar Vallakh Bhai Patel ṭha­­hnemngaihna a zarah hnam pakhat­ah kan insiam thei a. Fing taka inrelbawl zui loh chuan darh­sarh leh huk thei kan ni a. Chu mi ven nan chuan 'All India Services' kha tihmakmawhah an ngai a, constitution ah ngei khan an lo beh tir ta a ni.

Chutiang khawpa ram leh hnam humhalh ṭhat nana thil pawimawh chu helaia thliarkar rilru te tak te nen a politics nan a hman chi a ni lo, a hlauh­awm lutuk.

9. Dawt sawi cen­tenary lawm thuai a, dawtsawi bansan hmak a hun tawh.

- M Lalmanzuala