Sawhthing chungchanga Congress leh MNF lo tenawmzia hi!

Tunge Sundar Ali? Bagha sumdawng niin Zoram kuthna­thawktute ei cher chhe­tu tih leh Cong­­ress leh MNF sawr­karin thlai thar sumdawnna kawnga an hmelhriat awmchhun tih zawng hi ka hriat a ni. Kut­hnathawktute u, harh rawh u.

Loneitute'n an thlai thar an hralh dawna Permit lak ngaihna ram awm­chhun ni hial mai thei tur khawpa mi rethei dodal duhtu Congress sawrkar hian a tirah thlai 5 zuk khuahkhirh a! An aia uarin MNF sawkarin thlai 130 dawn zuk khuahkhirh zui a maw le!

Khawiah nge tun hnaia Pu Lalduhoma sawina êng aṭang ni lova he thu hria a, ngawih chuhtu ram hmangaih intia au ṭhin kha in awm? Hei tluka hmalakna zahthlak leh tenawm hi a awm leh thei ngai ang maw? Heti taka mi rethei leh hnuaihnung zawkte rahbehna hi Pathian pawi sawina a nih hi!

Hetiang hmalakna nei chung leh heng baka tenawma hma­lakna kalpuitute pahnihin sawrkar tuma an bei ngam hi eng rau nge an chan ka hre lo! Sual kawnga mi huaisar, Setana hnung dawltu bak va ni suh!

Kum 1993 aṭanga loneitute tun thlenga hrekna rapthlakzia hi ngawihbopui chi a ni mawlh lo.

Mahse, he hma­lakna hi a hun lai, politik pawh kan la ngaihven hma aṭanga vawi in thleng­in he Zoram Kristian intite hian engah mah an ngai lova. Mahni mihringpuite hmangaihna tla­chham­in Congress leh MNF bak kan la sawrkartir duh chuang lo a nih si hi! Kei chu hei ngawt pawh hi helna thamah ka ngai!

Engvangin nge kuthnathawktute hi an din chhuah kan hlauh êm êm laia anmahni hmangaih ber awma kan la tlangau ngam chu le? Hetiang êma hmalakna tenawm hi chu ring lo mite ramah takngial pawh an tih ngai loh a nih hi! Kuthnathawktute u, harh ula, tute nge in hmelma chu tih theihnghilh ngai tawh lovang che u!

- Lalremliana Pachuau