NOVEMBER-A GST CHHIAH KHAWN 25% IN A PUNG; Rs 1,31,526 CRORE A TLING - Huna Kawlvawm
November thla chhunga India ramin GST chhiah aṭanga sum a hmuh 25% in a pung a, Rs 1,31,526 crore a tling. Heng chhiah tlingkhawm ṭhen hran dan chu hetiang hi a ni Central chanpual CGST Rs 23,978 crore a ni a, State chanpual SGST Rs 31,127 crore, IGST Rs. 66,815 crore, a ni tih vawiina Finance Ministry data chuan a tarlang. GST khawnin thla hnih chhung Rs 1.30 lakh crore chung lama thla hnih chhung a tling tih Finance Ministry data chuan a tarlang.
Finance Ministry thu chhuahin a sawi zel dan chuan November 2021 thla chhunga GST khawn hi India ramin chhiah khawnna atan GST system a hman hnua thla khat chhunga chhiah a hmuh san ber dawttu (second highest ever) niin kumin April 2021 thla hmuh kha a sang ber (Rs. 1,42,384 crore) chu a ni.
"April 2021 thla chhunga GST khawn kha tangka kum tawp a nih avangin a hlawma chhiah lut a tam a, quarterly a chhiah pe ṭhinte chhiah kum tawpa a hlawma a luh vanga phak lo a ni," tih ministry thuchhuah chuan a sawi bakah, "India ram economy chu chiang takin COVID-19 avanga sum leh pai harsatna aṭangin hmasawnin a rawn tho chhuak mek a ni tih hei hian a tifiah hle a ni," a ti bawk.
GST khawn zinga IGST Rs 66,815 crore hian heng te hi a huam, ram dang aṭanga bungraw lakluh aṭanga khawn 32,165 crore leh hemi aṭanga cess Rs 9,606 crore leh Rs 653 crore hi import of goods aṭanga khawn a ni.
November, 2021 GST khawn hian thla hmasa October chhunga khawn zat rawn khûm lehin GST hman ṭan 1st July 2017 aṭanga a sang ber dawttu dinhmun a rawn luah ta ni.
"Sorkar chuan GST aṭanga sum hmuhte hi hetiang hian a siam fel nghal a, Rs 27,273 crore chu CGST a nih angin Central chanvo a ni a, Rs 22,655 crore chu IGST aṭangin SGST ah dan pangngai angin a dah lut a ni," tih ministry thu chhuah chuan a tarlang .
November 2021 GST aṭanga sum lut Central leh state insem dan chu, Rs 51,251 crore hi Central pual CGST a ni a, Rs 53,782 crore hi state pual SGST a ni. Central hian Rs 17,000 crore chu states/UTs hnenah GST compensation atan November 3, 2021 khan a lo pe chhuak tawh bawk.
November thla chhung hian ram dang aṭanga bungraw lakluh chhiah 43% laiin a pung a, ram chhunga bungraw vir vel buaipuina (ram dang bungraw buaipui pawh huamin) aṭanga chhiah khawn pawh 20% in a pung bawk tih Ministry thuchhuah chuan a tarlang.
"Tun hnaia GST aṭanga chhiah khawn khawm hma lam pana rawn pung chho hi sum leh pai ṭhanna tura Sorkar policy leh inkhuahkhirhna leh inawpna ṭha zawk nei tura Sorkar hmalaknain rah ṭha a rawn chhuah chhoh zel vang a ni. Chhiah awl ruk tum daptu Central tax enforcement agencies te bakah State tina chhiah khawnna lama mawhphurhtuten chhiah awl ruk tumte an hai chhuah, dap chhuah zung zung vang a ni, a bikin Invoice lem dap chhuah hi thiamna thar IT tools GSTN a duan chhuah hmangin a awlsam hle a, hei vang hian GST return, invoice leh e-way bill rinhlelhawmte chu awlsam taka man chhuah theih a ni," Finance Ministry thuchhuah chuan a tarlang.
Nikum leh kumin chhunga GST chhiah khawn zat hetiang hi a ni.
(Rupees in crore)
2020-21 2021-22
Apr 32,173 1,41,384
May 62,151 1,02,709
Jun 90,817 92,849
Jul 87,422 1,16,393
Aug 86,449 1,12,020
Sep 95,480 1,17,010
Oct 105,155 1,30,126
Nov 1,04,926 1,31,526
MIZORAM
Finance Ministry Press release in a tarlan danin Mizoram state in nikum 2020 November thla chhunga GST a khawn zat Rs 17 crore a ni a, kumin November 2021 chhunga a khawn zat chu Rs 23 crore a ni a, 37% in a pung a ni.
NE STATE TE
Finance Ministry Press statement in a tarlan dan anga NE state te nikum November 2020 leh kumin November 2021 GST khawn zat hetiang hi a ni.
(Rupees in crore)
STATE '20 '21 %
ASM 946 992 5%
TRI 58 58
MEG 120 152 27%
MAN 32 35 11%
NAG 30 30
ARU 60 40 –33%
MIZ 17 23 37%
SIK 223 207 –7%
HEI VE THUNG HI
1. State dang te aia Mizoram GST khawn hi a hniam fal nalh a, mihring kan tlem hi a chhan thui tak a ni ang. Mizoram mihring zat ve awrh awmna Sikkim chu Mizoram hian GST khawn zatah a phak lo hle thung.
2. State-in chhiah a khawn theihna tur zawnga hma lak leh Sorkar enkawl sumthuni nu tam tak hi mimal kuta hlan (disinvestment or privatisation) a nih loh chuan kan dinhmun hi a ngaihtuahawm tial tial ngei ang.
Source : pib.gov.in
- Huna Kawlvawm