Zan Curfew hmang sum tuak sorkar?

Mizoram sorkar hian kum 2020-a Covid-19 kan hmelhriat tirh aṭang khan Aizawl ṭhalaite hi zanah min la khung char char a, zana min khung chhung hian 'ID nei' pawimawh chu an duh duhnaah an tlan kual thei reng tho va, keini curfew hmanga min khung hi pawisa tuakna atan an hmang a nih loh chuan Covid-19 dona chu a ni thei tawh lo hrim hrim a, he thil hi Aizawl ṭhalaite hian ennawn kan phût a ni.

Kan Pute hian in ngaihtuah ve duh miah loh chu keini ṭhalai zawkte dinhmun hi a ni zawk. Zan hnih khat lek pawh ina tawm thei lo hi kan tam ve a ni, tunah chuan zan 300 dawn chu zanah hian veng dangah kan chhuak thei tawh lo. In hlauh ber hi Covid-19 a darh zel venna a nih chuan mahni vengah zanah kan tei suau suau tho si a ni. Motor-a leng chhuak chauh hi em ni Curfew hian a huam bik? Duh duhin kein kan inlen pawh suau suau tho tih hre renga zana motor chhuakte lo tih din zel hi Covid-19 venna lam ni lovin, ka ngaihdan chuan Curfew bawhchhetute laka sum tuakna hmanrua mai mai a niin ka ring tawlh tawlh a ni.

Covid-19 venna tur a nih chuan Traffic point lun deuhvah chiah zana Curfew duty dah lo hian Ramthar Veng, Bethlehem Vengthlang, Armed Veng, Venghnuai, Model Veng, Mission Vengthlang, Khatla South, Tuikual North, Kanan Veng, Chawnpui etc. ah hian mipui an tam a, hengho veng chhunga mipui Curfew laia chhuak tur hi rawn veng zawk se, kawngpui dunga motor ringawt check hi Curfew em ni? Mihring pawh veng si lova motor chhuak tur chiah ven hian Covid-19 hi a veng lo a ni. Ṭhalai zana leng khawthawng ve duh tawh, kum hnih dawn khung beh tawhte motor-a chhuak tur ringawt lo dan hi he sorkar hian Aizawl ṭhalaite chan hi a ngaihtuah duh lo vem ni le? Voter kan ni ve tih pawh hi an hriat a ngai a ni. Zan Curfew hi sum tuakna nge, motor chiah an ven chhan hi?

- Mapuia