Chhunah huau huau; Zanah Curfew

Krismas dawna zan dar 9 bak chhuah min khapsak tu kan sorkar chuan chhun lama thil tih khap a lawi a nei tawh lova, kan ṭhenawma Futsal khelmualte chu awl hman lek lovin an hmang reng a nih laia a zan lama Curfew leh lawi si hi chu rorelna lai lo tak nia ka hriat ve avangin thil ni thei hrang hrang rin dan liau liauvin kan sawi chhunzawm dawn a, hei hi mimal ngaihdan a nih rualin ṭhalai tam tak ngaihdan a nih ve rinna lian tak ka nei bawk a ni.

1. Mizoram sorkar hian sualna (Crime) tih tlem tumin ṭan a la nasa a, chumi hmanraw pawimawh tak chu zan lama mipui vei vak an tlem hi a ni. Zan Curfew an puan chhung chu zanah thil thleng a tlem a, sualna pawh a tlem nge nge a, chuvangin Covid venna ni tawh lovin Crime venna Curfew a ni.

2. Road Accident a tlem phah tih hi an sawi ve leh ṭhin a, zana motor chhuak vak a tlem na na na chuan che sual pawh an tlem a, mipui hi chu ni 300 dawn zana chhuak thei lovin min kung mahse Road Accident tlem tih record an neih theih chuan an duhtawk a ni.

3. VIP te, chhuah phalna nei chin card nei ang hi a reltu hi an nia, an duh duh naah an duh hun hun ah an chhuak thei thova, mahse chhungte pawh zana tlawh thei lova leng thei lova min khung hrehawm zia hi an la hre lo.

4. Mizo chu nula leh tlangval inrim ṭhin kan ni a, ṭhianho chaw ei khawm nuam ti kan ni a, heng hi zing lama tih chi a ni lova, zana tih chi a ni a, hei hi tunah chuan a buaithlak zo a, mahse a lehlam takah chuan chaw hi an ei khawm loh phah chuang lova, motor ni lovin nula an rim thei thova, tumah an duty leh chuang si lova, Covid ni lovin thil dang vangin Curfew hi an puang a nih hmel.

5. Ṭhalai leng vak ngaithei lo roreltu kan nei a ang a, hei hi chu a dik lova ni. Ṭhalai kan tihte hi chuan inkhung reng hi an thei lova, chu zalenna hup beh tumna chu a ni hial tawh zawk lo maw? heti chen chen zan Curfew an puan ni.

6. Krismas leh Kumthar hian zan programme hi Kohhran lam hian an siam loh pawhin zan programme hi chu a awm ve tho tho dawn a, chumi khap an tumna zawk chu a ni lo maw? Covid tih lam ni tawh lovin.

- MS-a, Ṭhuampui