Inthlanpui lo awm turah hian eng ang sawrkar tak thlang chhuak ang i maw?
Nang tunge i thlan ang? Candidate mimalah hian tehfung kan hmang fo ṭhin a, a ṭulna chin a awm ngei mai. Amaherawhchu, pawl kalphung ṭha lo leh Chief Minister ṭha lo hnuaiah MLA mimal ṭhain awmzia a nei thui lo.
Chu aia pawimawh zawk chu, pawl kalphung leh an thil tum ṭhate leh CM ṭha a ni. Eng pawl nge sawrkar se ram tan ṭha ang tih a hnuaia mi aṭang hian i enfiah ang u le.
1. CM tur chu party president ni kawpa lal taka awm ngei tur pawl nge i duh, CM nih leh party president nih chelh kawp lova CM hnaa inhmang zo tur pawl le?
2. CM-in sum tamna department-te mahni portfolio atan hui hmiah hmiah
ṭhin pawl nge i thlan ang a, CM, sum khawih department engmah la lova, a cabinet-ten chak taka an hna an thawh ṭheuh theihna tura theihtawpa vilpui zawk tu tur le?
3. Sem policy hmanga hmasawnna tak tak thleng phak si lova, pawisa leh therhlo hmanga mi retheite tihlungawi tum pawl nge i thlan ang a, mipuiten anmahni thawh rah ngei hlawk taka seng a, ramin hma an sawn ngei theihna tura mipui kaihhruai leh ram siam tuma thawk tur pawl?
4. Mahni party mite ṭhatna tur bik ngar ngara thawk duh pawl nge i thlan ang a, thliar bik awm lova, Zoram pum
ṭhatna tur zawng ngar ngar pawl le?
5. I thlan tur chu eng pawla mi nge? An nihna leh an thiltihtheihna hausakpui tum, z< leh corruption ṭhian ṭha pawla mi nge i thlan ang a, corruptiona kut fai, Zoram hmangaihna thinlung nei, z< leh corruption do ngam pawl zawk?
Aw le, heng point pangate hi ngaihtuahna min hruaitu atan a t^wkah ngai mai ila. Hengah hian candidate mi mal ṭha chuan mi an h$pin an ṭha ngei a, mahse, pawl ṭha lo leh CM ṭha lo hnuaiah mimal ṭhatnain awmzia a nei thui thei lova, pawl kalphung leh thil tum nei ṭha te, Zoram himna leh hmasawnna tak tak thlenpui tum Chief Minister te kan mamawh ber a ni.
Tin, Chief Minister hi state-ah chuan an pawimawh f^l em em mai. Chief Minister ṭhain an state dinhmun an s>p k^ng d^wrh d^wrh thei tih India ram state pali laiah kan hmu tawh hlawm a. Chuvangin, kan inthlanna-ah party ^tchilh burna leh mahni mimal hamṭhatpui tur z^wng te, candidate mimal chhuanawm leh chhuanawm loh lamte ai pawhin, eng p^wl hi nge sawrkar se ramin kan ṭhatpui ber ang, tih ngaihtuahna rilru nen vote i thlak ang u.
Ram pumpuiin kan ṭhatpui chuan, mi tinin kan ṭhatpui vek tho dawn a ni.
- Rev. Darchungnunga