KAMLOVA CHHANGTE HNA KAN EN VE A
Nimin khan lengpui airport a kamlova chhangte hna an tih chu kan en ve... tihdan vak a awm rih lo a, entawp a ni mai. A building sak dan turte kan la hmu ve lo a, a hna a ṭhat tawk leh tawk loh hriatthiam a har viau thung. En mai chuan hna chhe lutuk niin a hriat loh a, cute fál nalh erawh a ni lem lo.
Kamlova Chhangte hna hmuh dan hi rti zawhna aṭanga a lan dan chuan complaint theih a ni a, tun thlengin sawi luai luai bak kan la pel lo a nih a rinawm. A hna hi restricted tender a pek a ni a, restricted tender an kalpui dan erawh a dik lo.
Restricted tender hi a awm ngei a, hna hmanhmawhthlak leh hna ṭha em em ngai thilah an hmang ṭhin. Hetianga contractor an thlim ṭeuhna chhan hi hna ṭha taka thawh a ngai a. Contractor hmingṭha bikin an thawh chuan hna a ṭhat beisei a ni. Restricted tender hi a chhángtu contractor hmingṭha ṭhiau pathum tal an awm a ngai tih a ni a, Kamlova Chhangte hian tender a chhuah hma mai bakah work order awm hmaa hna a lo thawh ṭan tawh avangin hna inpek dan hi a dik lo a ni.
Hna hman-hmawhthlak contractor hnathawk hlei thei lo an inrawlh loh nan a siam, restricted tender hi party worker leh chhung hnai hna pekna tura siam a ni lo. Minister te sum siamna emaw kan tih hi a tum lamah chuan a ṭha hle a, lengpui airport hna chungchangah hi chuan langsar tak leh zahthlak khawpin restricted tender principle kalha hna inpek a ni.
Restricted tender hman sualna hi congress hunah pawh khan a awm tho a, tihlan loh thiam lamah an expert hle. Mnf an ham sawrkar ve a, congress tihdan an han hre ve ngei a. Entawn hi chuan a pass a har a ni ang, tlang chunga khaw awm an sawi ang maiin a langsar ta lurh mai a ni.
He thil thleng hi a hnu zela a thlen tlem deuh tawh nan leh restricted tender pronciple kan tihchhiat vek loh nan complaint a ṭha hle a, complaint a luh chuan airport siam hna stay te a ngaih a rinawm si a. Hna a muang dawn a ni. Hei aia restricted tender principle humhimna chance erawh a awm zen zen tawh lo thei thung a, thutlukna siam thiam a har ta hle a nih hi.
- Zmp Tlau