Ka hriat chak thil 10

Kumin chu Mizo­ramah inthlan kum a ni dawn a, politics titi ngaihnawm tak tak kan ngaithla tawh a, chumi behchhan chuan politics-a ka hriat chak thil 10 hi zawhna ang zawngin ka rawn thai lang ve dawn a ni. A chhanna min pe thei an awm phei chuan a lawmawm ngawt ang.

A hnuaia ka list a tel lo pawh hriat chakawm tak tak ka nei nual a, mahse kei aia hre zawk te rawn sawi atan khek ila. Kei chuan chiang taka hriat ka nei tam lo a, thil hre tak tak an awm a, anniho hi an la ngawi tlat si a, hetiang chona thu ka rawn ziah lan aṭang hian thil hre tak takten an rawn ziak ve turah ka ngai a ni.

1. Chief Minister leh Home Minister hi tun hnaiah an boruak a ṭha lo an ti. Chief Minister hian Home Minister hi a bial ngaia a din loh chuan Congress MLA ding leh duhte a nêk chhuahtir a phal dawn lo, an tih hi a dik ang em?

2. MNF President hian a dinna tur a thlang fel tawh a, MNF lamah hian Vice President pahnih hian dinna tur an la tichiang hleithei lo an ti a, hei hi a dik em?

3. Khehpuama in­hnamhnawih, hnathawh sawi tur mumal nei si lova hausa em emte pawh politics-ah zak miah lovin an intilar leh ngam tawh tih hi titinaah an sawi chawk a. Tute hi nge khehpuama in­hnamhnawih poli­tician chu?

4. Rajya Sabha MP hlui hi an veng awmna bialah din tumin a leng kual nasa tawh a, titi lamah he bialah hian candidate beisei mi pahnih dang an awm an ti a, Pu Zorama hian MP hlui hming chhe lem lo tak hi a din duhna an veng awmna bial hi pek a tum ta lo tak tak em ni?

5. Ṭangrual pawl tia kan hriat lar, ZPM hi tun hnaiah an chhungkaw boruak a ṭha lo tawlh tawlh an ti a, tak tak a ni em?

6. Congress zing­­ah inthlan tur buaipui an awm lai­in contract ringawt buaipui an awm a, Bhawan-ah an in kam­khat an ti a, a dik em?

7. Kolasib-ah Cong­ress ticket-a ding tur candidate a la chiang lo cheu an ti a, a dik hmel em?

8. Congress sor­kar laia hna hmu thei tak, MNF candidate nih tum ta si a awm an ti a, he boruak hian Saitual biala Congress dinhmun a tiche dawt an ti bawk a, a dik em?

9. ZPM-ah hian MPC mi leh sa, ZPM hminga ticket chan beisei ngam an tlem tial tial, intithu tak tak an pung zel tih hi a dik em?

10. PRISM can­didate puan takte khan sawi zui an hlawh loh danah an la tling dawn lo deuh a nih hmel an ti a, i awih zawng a ni em?

- Vanlalhmuaka