RAN CHAW PÊKNA THLENG

Vawiinah hian in tân Davida khuaah Chhan­damtu a piang ta, Lal Krista chu. Tin, hei hi in tân chhinchhiahna târ a ni; nausen puana tuam, ran chaw pêkna thlenga mu in hmu ang,” a ti a.” (Luka 2:11-12)

Lal Isua pian chungchâng thuah hian Bethlehem piah lamah ngaihdân leh rin dân a tam hlein a lang. Mizo Kristiante phei chuan bawng ina piang angin kan pawm tlângpui mai âwm e. Khualbûka an len ve tâk loh avângin ran chaw pêkna thlenga muin Isua kha chibai bâk hmasatu, Beram vêngtute khân an hmu a nih kha!

Kan thurinpui leh innghah­na Bible hian ran chaw pêkna thleng tih chauh lo hi chu ran in a ni emaw bawng in tih ngat phei hi chu a sawi lang miah lo niin alang. Ran chaw pêkna thleng hriat reng a nihna chhan zâwk chu a chhângah Isua a awm vâng a ni. Chutiang chuan ran chaw pêkna thleng aṭanga ringtute’n zir târ kan neihte i han thlirho dâwn teh ang.

1. Ei târ tak: Ran chaw pêkna thlengah chuan ei târ/ chaw ṭha a awm ṭhin a. Chu chu rante tâna puar leh fânna, an mamawh engkim, an ṭhan lenna târ atân te-a ṭul zawng zawng an hmuhna a ni. Hei hian Isua hi ringtute tâna ei târ tak a nihzia min hriattir a ni kan ti thei ang.

Ran ina ranten ran chaw pêkna thlenga ei tûr an ei a, an lo tlai ta ṭhin ang hian keini Pathian ran tlatna hmuna beramhote’n kan ei a, kan mamawh dik tak kan hmuh ve theihna târin kan tân ran chaw pêkna thleng hi Pathianin min buatsaihsak a, ei tûr dik tak min hlui bawk (Luka 2:11-12).

2. Nunna Chhang: “Kei hi nunna chhang chu ka ni...” (Joh. 6:35) tiin Isua ngeiin vân aṭanga chhang nung lo chhuk Pathian thil thlawn pêk a nih thu leh chu chhang ei apiang chu chatuan atâna an nun reng dâwn thu a sawi. Chu chhang chu he ran chaw pêkna thleng hmang hian hlui kan ni. Kan tâna ran chaw pêkna thleng hlutzia kan hrethiam mai âwm e. Kan nunna lo chhuahna leh chatuan nun min petu Isua lam chu pan ila. Kan tâna ṭheh, Krista ruai kiltu dik kan nih ṭheuh a ngai a ni.

3. Immanuela: Isua hi Immanuela, kan hnêna Pathian awm a nih thu Bible-in vawi thum (Is. 7:14; 8:8; Mt. 1:22-23) lai min hrilh. Ran hrim hrim hian ṭhang lian a, hmasâwn tûr leh an ni tin nun atân ran chaw pêkna thleng leh a chhûnga ei tûr awmte chu an hlatsan thei lova, an belbul chawt ṭhin. Ringtute pawh hian kan tâna ei tûr tak awmna hmun, min hlatsan ngai lo, kan tân liau liaua buatsaih hi kan hlut thiam deuh deuh a ṭul âwm e. Chutiang chuan, Kohhran hlutzia pawh kan hrethiam thei ang. Ranina ran chaw pêkna thleng te hi an che sawn ngai lova, a mamawhtute tân, mamawh an nih hun apiang atân an awm chawt ṭhin. Lal Immanuela chu!

Isua kan hnêna awm hi kan damna leh nunna a nih mai piah lamah, ringtu nun kawng kan zawh zêlna atân pawh a pawimawh êm êm a. Isua kiangah ti tlat târ kan ni.

Malsâwmna: Thu tisaa lo chang kan zinga lo awm ta hian kal kawng atân ran chaw pêkna thleng a rawn hmang a. Isua Krista ran chaw pêkna thlenga a rawn mu hian malsâwmna hlu tak a entir a. Kan tâna ei tûr tak, chhang nung min hluina leh min hlatsan ve ngai lo, kan mamawh hun apianga kan tâna awm reng a nihzia min hriattir a ni.

Keini pawh Pathian hmanrua, mi dangte tâna Pathian malsâwmna kan nih ve ṭheuh theihna tûrin kan nun hi mi dangte tâna ei tûr tak, chaw ṭha awmna hmun a nih a, nun malsâwm nei tûrin leh Krista hminga luangchhuak ve thei tûrin buatsaih thar leh ila. Kan hlutna tak tak chu Lal Isuaah a ni a, thil ṭha kan tih ve theihna pawh Isuaah tho a ni. Chuvângin, Isua In, a chenna kan nih reng a ngai a ni. Amen!

- H.Lalroluahpuia